“Mungesa e kritikës profesionale dhe lavdërimi i tepërt, ose hipokrizia me ato që ndodhin në skenën e teatrit, është një gjë që duhet të na shqetësojë. Do të duhet që të gjendet një rrugë. E thashë, raporti me dramën shqipe dhe raporti me kritikën, janë dy pikat më të dobëta që ka teatri ynë sot. I ka edhe Teatri Kombëtar, dhe Eksperimental, i ka edhe Teatri Metropolit dhe ndonjë tjetër. Teatri është i yni. Dhe, pastaj të nesërmen në gazetë shohim dy faqe me elozhe për një gjë që jemi koshient se nuk është kështu”
Të nesërmen shikojmë dy faqe gazete që i bëjnë elozhe shfaqjes për një gjë që jemi koshient që nuk është kështu”, tha Londo.
Londo është shprehur për problemet që vijnë nga vlerësimi joprofesional i shfaqjeve gjatë prezantimit të premierës së parë të “Boeing Boeing” që do të shfaqjet në datat 6 e 7 janar. Është e para premierë që vjen nga institucionet kulturore dhe biletat janë shitur të gjitha për të dyja netët.
Për Kiço London si regjisor, as shitja e biletave, e as mbushja e sallës me shikues, nuk e përcakton suksesin e një premiere.
“Në shumicën e rasteve, ka regjisorë dhe aktorë, të cilët tentojnë vazhdimisht të marrin të qeshurën nga publiku, që publiku të dalë nga salla, të thotë që “kjo është një shfaje shuëm e mirë dhe kjo ndodh. Dhe të rivinë njerëz të mbushin sallën, të marrin biletat dhe aktorët “të ngrohen”.
![](https://shqiptarja.com/template/img/NO_ALFA_Kuadrate shqiptarja.png)
Në fakt mua do të më pëlqente shumë, nëse një kast aktorësh dhe një regjisor do të përpiqeshin që të komunikonin me rrugë të nëndheshme, gjë e cila është mjeshtëria e regjisorëve dhe aktorëve me spektatorin dhe të mos e lëshonin spektatorin në të qeshura të shfrenuara.
Nëse më pyesni personalisht sesi e masni një komedi me spektatorin, është kur spektatori reagon, por reagon me elegancë, aq në mënyrë elegante që të mos e prish veprimin në skenë”, shpjegoi Kiço Londo.
Një tjetër kritikë e Londos është edhe për teatrot rajonale të Durrësit, Shkodrës, Elbasanit e më gjerë, që nuk lëvizin kurrë për shfaqje në zonat më të thella të rajonit.
Ndërkohë vetë Teatri Eksperimental “Kujtim Spahivogli” ka zhvilluar turne të gjata nëpër këto zona me premierat e tij dhe së fundi me komedinë “Boeing Boeing”, ku luajnë aktorët Gentian Zenelaj e Amos Zaharia.
Redaksia Online
Xh.F/Shqiptarja.com
![](https://www.shqiptarja.com/template/img/sh_logo1.png)