/ATSH-AFP/ - Ukraina ndërpreu sot për shkaqe sigurie të gjithë lëvizjen e trenave dhe autobusëve në drejtim të Krimesë, gadishull i aneksuar në muajin mars nga Rusia.
Kjo masë u vendos dhjetë ditë pas vendimit të marrë nga Moska për të ndërprerë shërbimin e saj hekurudhor në drejtim të Krimesë për shkak të një kërkesë të ulët.
Kjo ndërprerje e lëvizjes të trenave dhe autobusëve nënkupton se pjesa më e madhe e 2,3 milionë banorëve të këtij ishulli në Detin e Zi mund të shkojnë në Ukrainë vetëm me automjete dhe në Rusi nëpërmjet një trageti. Disa kompani ajrore ruse kryjnë fluturime të rregullta drejt kryeqytetit të Krimesë, Simferopol.