POP 5

Lajmet më të lexuara të 5 minutave të fundit

Arkiva

Kievi akuzon separatistët: Po
shkatërroni provat, i çoni në Rusi

AVIONI MALAJZIAN/ Kievi akuzon rebelët pro-rusë se po shkatërrojnë provat në vendin ku u rrëzua dy ditë më parë avioni i kompanisë ajrore malajziane në lindje të Ukrainës. Sipas qeverisë, rebelët po përpiqen të transportojnë drejt Rusisë mbetjet e avionit të rrëzuar të enjten. Separatistët: Kievin po ngadalëson ardhjen e ekspertëve VIDEO
Ja VIDEO e fundit brenda avionit
Përgjimi/ Filorusët: Qëlluam 1 avion
Foto/ Avionët shmangin Ukrainën
Meta e Kodheli mesazh ngushëllimi: Hetim ndërkombëtar
Yatsenyuk: Goditja e avionit krimndaj njerëzimit, të shkojë në Hagë
Kulla për A1 Report: Avioni nuk u qëllua gabimisht, krim ndërkombëtar
Kievi akuzon rebelët pro-rusë se po shkatërrojnë provat në vendin ku u rrëzua dy ditë më parë avioni i kompanisë ajrore malajziane në lindje të Ukrainës. Në një deklaratë për shtyp, qeveria ukrainase akuzon separatistët se po fshehin provat e krimit të tyre ndërkombëtar me ndihmën e Rusisë. Sipas qeverisë, rebelët po përpiqen të transportojnë drejt Rusisë mbetjet e avionit të rrëzuar të enjten, ndërsa kanë hequr 38 trupa të viktimave duke i çuar në morgun e Donjeck-ut.

Nga ana tjetër ka ardhur një reagim nga rebelët pro-rusë të cilët akuzojnë Kievin se po ngadalëson ardhjen e ekspertëve për të hetuar rrëzimin e fluturimit 17 të avionit malajzian.

Ndërkaq, kanë qenë vetë ekspertët e OSBE-së të cilët reaguan në një deklaratë për shtyp se nuk janë lejuar të hetojnë në vendngjarje pasi rebelët kanë qëlluar disa herë me armë në ajër. Lajmin e dha një anëtar i ekipit të OSBE-së, Michael Bociurkiw sipas të cilit vendi kontrollohet nga njerëz të armatosur të cilët nuk lejojnë të zhvillohen hetimet. 25 vëzhguesit e dërguar me mision janë tërhequr vetëm pak orë pasi kanë mbërritur. Edhe FBI dhe Bordi Ndërkombëtar i Sigurisë se Transportit kanë dërguar ekipet e tyre në lindje të Ukrainës për të ndihmuar në hetime.

Nga ana tjetër sot në mëngjes një ekip specialistësh malajzianë kanë mbërritur në Kiev për të ndihmuar në hetimin e arsyeve që çuan në rrëzimin e avionit. Hetuesit amerikanë do të hetojnë për të përcaktuar llojin e saktë të raketës që është përdorur dhe nëse sulmuesit kishin në plan për të rrëzuar një avion pasagjerësh apo nëse ata kishin synim një avion ushtarak ukrainas.

Nga ana e saj Rusia bën thirrje për një hetim të paanshëm dhe të mos arrihet në konkluzione pa perfunduar investigimi. Edhe kancelarja gjermane Angela Merkel tha se ishte shumë herët për të vendosour sanksione të reja kunder Rusisë, përpara se të mësohet se ç’ka ndodhur me siguri. Ndërsa Britania ndan të nëjtin mendim si presidenti amerikan Obama, i cili akuzoi separatistët, si përgjegjësit e vetëm për rrëzimin e avionit.

Të dhënat më të fundit nga Malasyia Airlines flasin për 192 hollandezë, 44 malajziane, 27 australianë, 12 indonezianë, 10 anglezë, 4 gjermnaë, 4 belgë, 3 filipinas, 1  kanadez dhe një nga Zelanda e Re.

lista e udhetareve

Redaksia Online
(e.c/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31