POP 5

Lajmet më të lexuara të 5 minutave të fundit

Politikë

Kim takon Ramën para vizitës së tij në SHBA: Lufta ndaj korrupsionit, prioriteti kryesor! Barra e përgjegjësisë bie mbi ata që qeverisin! Zbardhet axhenda

Para nisjes drejt SHBA ku do të marrë pjesë në mbledhjen e Këshillit të Sigurimit në OKB, kryeministri Rama zhvilloi një takim me ambasadoren Yuri Kim e cila ka mbështetur qëndrimin e Shqipërisë sa i takon tensioneve mes Rusisë dhe Ukrainës. Ambasadorja Kim nënvizoi se lufta kundër korrupsionit është prioritet kryesor për SHBA.

Kim takon Ramën para vizitës së tij në SHBA: Lufta ndaj korrupsionit, prioriteti kryesor! Barra e përgjegjësisë bie mbi ata që qeverisin! Zbardhet axhenda

Ambasadorja e SHBA-së, Yuri Kim dhe kryeministri Edi Rama

TIRANË- Pak ditë përparja nisjes drejt SHBA-së, (15 shkur) kryeministri Edi Rama ka zhvilluar një takim me diplomaten amerikane, Yuri Kim. Në fokus të këtij takimi, Kim ka mbështetur qëndrimin e Shqipërisë sa i takon tensioneve mes Rusisë dhe Ukrainës. Ambasadorja nënvizoi gjithashtu se lufta kundër korrupsionit është prioritet kryesor për SHBA duke theksuar se barra e përgjegjësisë bie mbi ata që qeverisin. 

"Ambasadorja Kim u takua sot me kryeministrin Rama përpara vizitës së tij në Uashington DC. Ajo përshëndeti mbështetjen e fortë dhe parimore të Shqipërisë për Ukrainën përballë agresionit rus, qoftë si aleate e NATO-s ashtu edhe në Këshillin e Sigurimit të OKB-së, ku SHBA-të janë krenare që do të punojnë me Shqipërinë si "bashkë-penëmbajtëse" për Këshillin në çështjet e Ukrainës. Ambasadorja Kim nënvizoi se lufta kundër korrupsionit është prioritet kryesor për Shtetet e Bashkuara, duke vërejtur se barra e përgjegjësisë është natyrshëm më e madhe mbi ata që qeverisin. Ata biseduan gjithashtu mbi rëndësinë e forcimit të institucioneve demokratike, përparimin historik në forcimin e marrëdhënies sonë në mbrojtje, dhe hapat e mëtejshëm për të rritur tregtinë dhe investimet midis SHBA-së dhe Shqipërisë", thuhet në njoftim. 

Rama do të udhëtojë drejt SHBA në 15 shkurt, në kuadër të nisjes së mandatit të Shqipërisë në Këshillimit të sigurimit të OKB, ndërsa gjatë kësaj kohe ai do të takojë edhe Sekretarin Amerikan të Shtetit, Antony Blinken me ftesë të këtij të fundit.

Ky do të jetë takimi i dytë mes Ramës dhe Blinken, pas atij të 13 Qershorit 2021 në Bruksel, ku SHBA dhe Shqipëria nënshkruan memorandumin për sigurinë e 4G dhe 5G.

Axhenda paraprake e kryeministrit Edi Rama në SHBA
14 shkurt: Takim me Sekretarin e përgjithshëm Guterres dhe pritja zyrtare e Shqipërisë me rastin e anëtarësimit në Këshillin e Sigurimit
15 shkurt: Takim me Sekretarin Amerikan të Shtetit, Antony Blinken
16 shkurt: Takime

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tosi: 09/02/2022 22:05

    Propozoj qe ne kuader te luftes kunder korrupsionit, udheheqesi yne te ngreje zerin fort dhe demaskoje ish presidentin Trump si simbol i korrupsionit. Nje pyetje, po Erion "Iron-Balls" do ta marresh me vete???

    Përgjigju
  • Kiri: 09/02/2022 15:12

    Luftojeni korrupsionin z kryeminister.Largojeni krye te korruptuaren ,drejtoreshen e ZVA,Alma Bakiu

    Përgjigju
  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06