Drejtori i Përgjithshëm i Doganave, Genti Gazheli, sot ka zhvilluar një takim me Ambasadoren e SHBA, në Tiranë, Yuri Kim, në Doganën e Durrësit.
Dogana Shqiptare në faqen zyrtare bën me dije se Gazheli e informoi Ambasadoren mbi rëndësinë e lehtësimit të biznesit të ligjshëm, mbi kontrollin e lëvizjes së mallrave dhe sigurimin e përgjegjësisë që ka ky institucion.
Nga ana tjetër Kim theksoi se Reforma në Drejtësi është shumë e rëndësishme edhe për biznesin, si dhe vlerësoi rritjen e potencialit të investimeve nga SHBA në Shqipëri.
“Prioritet do te jetë demokracia, biznesi dhe mbrojtja”, tha Kim.
"Dogana Shqiptare mbetet e angazhuar në respektimin e të gjitha standardeve ndërkombëtare në shërbim të qytetarëve dhe bizneseve", thuhet në njoftim.
Po nga Durrësi Kim tha se arrestimi i gjyqtares Enkelejda Hoxha dhe zyrtarëve të Gjykatës së Krujës, është një arritje të SPAK. Kim shtoi se ky operacion është një përgjigje për të gjithë që nuk besojnë të Reforma në Drejtësi.
Ambasadorja Yuri Kim, nga porti i Durrësit ka folur për ndërtimin e hidrocentralit të Skavicës. Ajo tha se SHBA e ka mbështetur këtë investim dhe se Shqipëria ka një potencial të madh përsa i përket investimeve të mëdha nga SHBA.
"Sikurse jeni në dijeni unë flas shpesh për marrëdhëniet mes Shqipërisë dhe SHBA-së. Dhe gjithmonë flas për 3 aspekte kryesore, demokracinë, biznesin dhe mbrojtjen. Kam ardhur në portin e Durrësit pasi këtu është vendi ku zhvillohen të treja. Demokracia është në kuadrin e luftës kundër korrupsionit dhe krimit të organizuar dhe zhvillova një bashkëbisedim me drejtorin e Autoritetit Portual dhe atë të Doganave. Kemi rënë dakord që janë disa hapa praktikë që mund të ndërmerren që të mbyllen disa prej zonave të verbra. Pres që të rikthehem për të parë se ku është bërë progres dhe se ku do mund që SHBA të kontribuojë edhe më shumë. Përsa i përket mbrojtjes, kjo është në vijim të vizitës së gjeneralit Jerard javën e kaluar sikurse e dini që 'Defender 21' do të jetë një nga stërvitjet ushtarake më të mëdha në Ballkan. Presim që shumë prej këtyre aktiviteteve do të zhvillohen përmes portit të Durrësit. Përsa i përket çështjes së biznesit, SHBA ka mbështetur ndërtimin e hidrocentralit të Skavicës. Shoh një potencial të madh përsa i përket investimeve të mëdha nga SHBA. Sikurse e kam theksuar më parë, kjo ka të bëjë me forcimin e shtetit ligjor dhe me rritjen e transparencës së proceseve. Për këtë arsye dhe reforma në drejtësi është e rëndësishme, nuk është çështje morali por biznesi. Dhe për të gjithë skeptikët që kanë thënë se asgjë nuk do të ndodhë, që SPAK nuk ka për të funksionuar ndonjëherë, unë kam një lajm për ju, e keni gabim. Dhe do të doja që të shikoni të gjitha çështjet që SPAK është duke ndjekur duke përfshirë dhe rastin e sotëm në Krujë. Reforma në drejtësi nuk është një mrekulli por ndodh hap pas hapi" - tha Kim.
Komente
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Të shtëna me armë 'Shotgun' në Durrës, s'ka të lënduar! Shkak sherri mes dy personave të dehur në lokal, Policia shoqëron autorin (VIDEO)
25 Dhjetor, 18:28 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Pushimet e shqiptarëve për festat e fundvitit, agjentja turistike për Report Tv: Vjena e Budapesti të preferuara! Egjipti më i vizituari këtë vit
25 Dhjetor, 15:50 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Kremtohet Krishtlindja në Durrës, besimtarët e krishterë luten për paqe dhe mirësi
25 Dhjetor, 10:27
O Gazhelo i the noj gje Ambasadores te nderume qe disa palaco aty ke drejtoria juj e kan shkatru fare sistemin doganor dhe presim.me ore te tera n dogana
Përgjigju