Njëzet e nëntë vetë u vranë dhe 130 u plagosën të shtunën në mbrëmje, kur 10 burra të armatosur me thika të gjata sulmuan stacionin e trenave në qytetin Kunming në jugperëndim të Kinës, njofton agjencia shtetërore e lajmeve Xinhua. Anëtarët e një grupi separatist nga Xinjiang, besohet të kenë kryer sulmin, thanë autoritetet.

Policia tha se ata vranë të paktën katër sulmues dhe plagosën një të dyshuar femër dhe autoritetet po hetonin për të dyshuar të tjerë lidhur me këtë ngjarje të rëndë. Kryeministri kinez, Li Keqiang, u kërkoi autoriteteve lokale të siguronin siguri dhe qetësi në vende publike, që mos të përhapnin panik tek njerëzit.

a.m/Shqiptarja.com