Sipas shkencëtarëve, gripi i ri i shpendëve që doli në Kinë, ka trajta unike. Ai është i aftë të infektojë si hundën, duke i bërë të mundur të përhapet më shpejt dhe të depërtojë thellë në mushkëri ku shkakton pneumoni.

Ky sulm i dyfishtë nuk është vënë re në gripet e mëparshme të shpendëve. Plot 135 njerëz janë infektuar me "avian influenza A" (H7N9) dhe 44 kanë vdekur që nga shpërthimi i virusit në pranverë.

Studimi i Erasmus University Medical Centre në Hollandë, tregoi se virusi infekton hundën dhe fytin. Pra tështima e përhap virusin në mjedisin rrethues. Një nga kërkuesit, Prof. Thijs Kuiken, tha: Fakti që ky virus infekton hundën bashkë me mushkëritë nuk është venë re më përpara. Studimi vë në dukje faktin se virusi ka aftësinë të transmetohet lehtësisht tek njerëzit dhe t'u shkaktojë pneumoni".

(e.b/v.gj/shqiptarja.com)