POP 5

Lajmet më të lexuara të 5 minutave të fundit

Bota

Kina angazhon ushtrinë për menaxhim të COVID-19 në Shangai

Kina ka dërguar më shumë se 10,000 punëtorë shëndetësorë në Shangai, duke përfshirë 2,000 pjesëtarë të stafit mjekësor të ushtrisë, teksa tenton të ndalë valën e koronavirusit në qytetin më të madh të Kinës

Kina angazhon ushtrinë për menaxhim të COVID-19 në Shangai

Kina ka dërguar më shumë se 10,000 punëtorë shëndetësorë në Shangai, duke përfshirë 2,000 pjesëtarë të stafit mjekësor të ushtrisë, teksa tenton të ndalë valën e koronavirusit në qytetin më të madh të Kinës.

Ky qytet ka kryer testime masive të popullsisë prej 25 milionë banorësh të hënën, teksa faza e izolimit ka hyrë në javën e dytë.

Ndonëse shumë fabrika dhe kompani financiare po funksionojnë edhe pas izolimit të punëtorëve të tyre, shqetësimet janë rritur për ndikimin ekonomik pas zgjatjes së izolimit në kryeqytetin financiar të Kinës.

Varianti tejet infektues i Omicronit, BA.2, është duke testuar aftësitë e Kinës për të zbatuar qasjen e zero rasteve me COVID, e cila synon të parandalojë përhapjen e koronavirusit, duke izoluar secilin person që rezulton pozitiv, pavarësisht nëse ka simptoma apo jo.

Shangai ka shndërruar qendrat e ekspozitave dhe salla tjera në qendra të izolimit, ku njerëzit me pak apo aspak simptoma qëndrojnë përkohësisht.

Kina ka regjistruar të hënën më shumë se 13,000 raste të reja me koronavirus, prej të cilave gati 12,000 kanë qenë pa simptoma. Rreth 9,000 prej këtyre rasteve janë regjistruar në Shangai./ REL

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Auron Tare: Kush e vrau Heroin e Revolucionit Grek Marko Boçari

Auron Tare: Kush e vrau Heroin e Revolucionit Grek Marko Boçari

27 Janar, 20:07 nga Auron Tare