Kina kundërpërgjigjet ndaj SHBA-së për vendosjen e tarifave tregëtare

Kina ka vendosur tarifa të reja ndaj 128 produkteve amerikane në vlerë të 3 miliardë dollarëve, si përgjigje për tarifat amerikane në çelik dhe alumin.
Ministria e Financave në Kinë ka njoftuar më 2 prill se në produkte përfshihet, derri i ngrirë, disa pemë dhe vera, këto tarifa do të hyjnë në fuqi menjëherë.
Komisioni për Tarifa në Doganën e Kinës ka thënë se tarifa prej 25% vlen për tetë produkte të importuara nga SHBA-ja, ndërsa 15% vlen për 120 produkte të tjera.
Më 13 mars, Pekini pati njoftuar se është duke konsideruar vënien e tarifave, duke rritur frikën për luftë tregtare globale.
Presidenti amerikan, Donald Trump ka deklaruar më 22 mars se do të vendosen tarifat për importet e çelikut dhe aluminit, hap që ka zemëruar shumë aleatë të SHBA-së.
Sidoqoftë Trump ka përjashtuar përkohësisht nga këto tarifa, Bashkimin Evropian, Australinë, Argjentinën, Brazilin, Kanadanë, Meksikën dhe Korenë Jugore.
Shtëpia e Bardhë ka thënë se tarifat janë të nevojshme për të ulur deficitin tregtar që SHBA-ja ka me partnerët tregtarë, sidomos me Kinën.
Vitin e kaluar deficiti i SHBA-së me Kinën ka qenë 375 miliardë dollarë.

TAG:
• SHBA
• Tarifa tregetare
• Kina

Sondazhi i ditës:

A ka politika frikë nga SPAK-u?

• Po

  68.6%

• Jo

  26.8%

• Nuk e di

  4.7%

Vota total: 2192

• Sondazhi i ditës:

  A ka politika frikë nga SPAK-u?

  Po Jo Nuk e di