FOTO/ Kina ndërton ‘Venecia’ të rreme, por mbetet qytet fantazmë, me kanale të thara

‘Venecia e vogël’ supozohej të ishte krijimi kinez i qytetit të famshëm italian, ku lundrohet me gondola dhe që mbart shumë kulturë e pret miliona turistë nga mbarë bota.

Por sot, Italia e ‘rreme’ e Kinës, që ka kushtuar 507 milionë funte dhe është e pozicionuar në një pikë të aksesueshme për turistët, është zhytur në një 'qytet fantazmë’.

I quajtur fillimisht ‘Venecia e Kinës’, projekti ambicioz shpresonte të injektonte arkitekturën e stilit evropian, në mënyrë që vendasit të mos kishin nevojë të shkonin deri në Itali, por ta vizitonin aty.

Megjithatë, vizitorëve e ‘Venecias së Kinës’ që deshi 4 vite për tu ndërtuar, nuk u ka lënë shije të mirë atraksioni turistik.

Në vend që të ishte në gjendje që të tërhiqte turmat e turistëve dhe të reduktonte ndotjen, ‘qyteti lundrues’ është lënë si një vend pa jetë dhe i thatë.

Nga ndërtesat gjysmë të përfunduara dhe rrugët e rralla, pamjet e reja të tentativës së Venecias kineze kanë dëshmuar se nuk janë një pikë e nxehtë turistike.

Nje eksplorues shkruante në rrjet: “Është diçka e vdekur, pa jetë. Çdo gjë është e mbyllur. Ka ndërtesa rreth e rrotull por asnjë nuk duket se përdoret. Kanalet e Venecias janë me pak ose pa ujë”.

“Është disi  e frikshme kur sheh imitime të tilla, pasi ti e di që është diçka e rreme dhe nuk emocionohesh dot”.

Atraksioni në fakt është hapur për publikun në 2015 dhe ka kanale në gjatësi prej më shumë se 4 km, si dhe ndërtesa të stilit evropian./ The Sun

M.Q./Shqiptarja.com

TAG:
• Kine