Shtetet e Bashkuara po planifikojnë të ndërmarrin sanksione që të ndërpresë disa banka kineze nga sistemi financiar global, duke shpresuar se do të ndalojnë mbështetjen tregtare të Pekinit për prodhimin ushtarak rus, raporton Wall Street Journal.
Ndërsa Sekretari i Shtetit Antony Blinken mbërrin sot në Pekin, pyetja është nëse edhe kërcënimi i Shteteve të Bashkuara për të përdorur një nga mjetet e tyre më të fuqishme të detyrimit financiar mund të dëmtojë tregtinë komplekse dhe të lulëzuar midis Pekinit dhe Moskës që ka lejuar Kremlinin të rindërtojë një ushtri e cila ishte dëmtuar rëndë nga dy vite luftime në Ukrainë.
Megjithatë Kina i ka quajtur ‘të pabaza’ akuzat e SHBA-së për mbështetjen ushtarake të Pekinit për Rusinë e përfshirë në luftën e saj kundër Ukrainës.
Kështu tha zëdhënësi i Ministrisë së Jashtme, Wang Wenbin, përpara vizitës së Sekretarit të Shtetit amerikan Antony Blinken.
Pesë persona u plagosën sot në një sulm rus në qytetin Kostyantynivka, në rajonin Donetsk, në jug të Ukrainës.
Lajmin e bëri të ditur kreu i Administratës Ushtarake Rajonale, Vadym Filashkin në Telegram, shkruan Rbc-Ukraine.
“Këtë mëngjes rusët hodhën një bombë ajrore të drejtuar mbi qytet. Pesë persona u plagosën ndërsa dy janë në gjendje të rëndë.
Tre shtëpi, një makinë dhe një objekt infrastrukture u dëmtuan në sulm”,tha Filashkin.
Senati amerikan pritet ta hedhë në votim sot paketën me ndihmë ushtarake për Ukrainën, në vlerën e 60 miliardë dollarëve, pasi Dhoma e Përfaqësuesve e miratoi atë 3 ditë më parë.
Paketa, e cila përmban ndihmë tejet të nevojshme për ushtrinë e Ukrainës, pritet të kalojë në Senat gjatë ditës së sotme dhe t’i dërgohet presidentit amerikan, Joe Biden, deri në fund të javës për ta nënshkruar.
Gjatë një bisede telefonike, Biden i tha dje presidentit të Ukrainës se shumë shpejt, SHBA do të ofrojë paketa të reja dhe të rëndësishme të ndihmës për t’i plotësuar nevojat e Ukrainës për t’u mbrojtur.
Zelensky shkroi në rrjetin social X se Biden i kishte thënë se do ta nënshkruante paketën me ndihmë për Ukrainën menjëherë, sapo ta pranonte atë nga Senati.
Senati mund ta kalojë paketën e madhe, 95 miliardë dollarë që përfshin edhe ndihmën për Izraelin dhe Tajvanin, këtë pasdite.
Lajme të tjera
-
Lufta/ Rusia kryen sulm masiv ndaj infrastrukturës energjetike të Ukrainës
28 Nëntor, 08:03 -
Trump nominon gjeneralin e pensionuar Kellogg si të dërguar për Ukrainën dhe Rusinë
27 Nëntor, 20:11 -
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
NATO konfirmon mbështetjen për Ukrainën pas sulmit rus me raketë balistike
26 Nëntor, 20:36 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 16:24 -
NATO dhe Ukraina takohen lidhur me raketën e re ruse
26 Nëntor, 08:23 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 07:56 -
Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Cënohet siguria në Europë! Çfarë është raketa Oreshnik
25 Nëntor, 20:27 -
Zyrtar i lartë i NATO-s: Bizneset duhet të përgatiten për një “skenar lufte”
25 Nëntor, 18:29 -
‘Rikthehet’ Merkel: Të bëjmë çmos kundër përdorimit të armës bërthamore
25 Nëntor, 14:28
-
Lufta/ Media franceze: Londra dhe Parisi po rishqyrtojnë mundësinë e dërgimit të trupave në Ukrainë
25 Nëntor, 07:59 -
Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës
24 Nëntor, 22:57
