Senati amerikan pritet të miratojë sot paketën 60 mld dollarë për Ukrainën

Senati amerikan pritet ta hedhë në votim sot paketën me ndihmë ushtarake për Ukrainën, në vlerën e 60 miliardë dollarëve, pasi Dhoma e Përfaqësuesve e miratoi atë 3 ditë më parë.

Paketa, e cila përmban ndihmë tejet të nevojshme për ushtrinë e Ukrainës, pritet të kalojë në Senat gjatë ditës së sotme dhe t’i dërgohet presidentit amerikan, Joe Biden, deri në fund të javës për ta nënshkruar.

Gjatë një bisede telefonike, Biden i tha dje presidentit të Ukrainës se shumë shpejt, SHBA do të ofrojë paketa të reja dhe të rëndësishme të ndihmës për t’i plotësuar nevojat e Ukrainës për t’u mbrojtur.

Zelensky shkroi në rrjetin social X se Biden i kishte thënë se do ta nënshkruante paketën me ndihmë për Ukrainën menjëherë, sapo ta pranonte atë nga Senati.

Senati mund ta kalojë paketën e madhe, 95 miliardë dollarë që përfshin edhe ndihmën për Izraelin dhe Tajvanin, këtë pasdite.

Lajmi kryesor:

Lufta në Ukrainë/ Kina ndihmë ushtarake për Moskën? SHBA po planifikon sanksione të reja! Pekini: Akuzat të pabaza

SI.E./Shqiptarja.com

TAG:
• lufta ne ukraine