Kina ka ndaluar lëshimin e vizave afatshkurtra për individë që udhëtojnë nga Koreja e Jugut dhe Japonia si hakmarrje për kufizimet e Covid-it ndaj udhëtarëve kinezë.
Pekini thotë se pauza për vizat e Koresë së Jugut do të mbetet në fuqi derisa të hiqen kufizimet për udhëtarët kinez, ku sipas qeverisë vendase janë masa “diskriminuese”.
Japonia dhe Koreja e Jugut nuk janë të vetmet vende që vendosin kërkesa për hyrje për udhëtarët nga Kina, ku rastet e Covid janë në rritje, por masat e tyre janë ndër më të rreptat. Javën e kaluar, Koreja e Jugut ndaloi lëshimin e vizave turistike për ata që vijnë nga Kina, të cilat ministria e jashtme kineze i quajti “të papranueshme” dhe “joshkencore”. Vende të tjera si për shembull Italia kanë kërkuar testin e vaksinimit dhe testin ku tregohet që udhëtari, i cili vjen nga Kina është negativ me covid-19.
Japonia po lejon vizitorët kinezë të hyjnë në vend me kusht që të rezultojnë negativë për Covid-19 dhe kjo është e ngjashme edhe me vende të tjera, por ajo që ndryshon qëndron në faktin që Japonia po kufizon fluturimet nga kina për në disa qytete japoneze.
Ambasadat e Pekinit në Seul dhe Tokio konfirmuan kufizimet e reja të vizave për vizitorët në Kinë. Kina rihapi kufijtë e saj të dielën për herë të parë që nga marsi 2020 si pjesë e heqjes së politikës së saj “zero-Covid” .
Duke reaguar ndaj kufizimeve të fundit të vizave të Kinës, ministria e jashtme e Koresë së Jugut i tha BBC-së se politika e saj ndaj ardhjeve nga Kina ishte “në përputhje me provat shkencore dhe objektive”.
Sipas Agjencisë së Kontrollit dhe Parandalimit të Sëmundjeve të Koresë së Jugut, rreth një e treta e të gjithë të ardhurve nga Kina rezultuan pozitive për Covid përpara se të vendoseshin kufizimet e vizave. Sipas raportimeve të mediave të huaja, qeveria e Kinës nuk deklaron numrin e saktë të personave të infektuar me covid-19 apo rastet e vdekjeve, ku sipas mediave të huaja numri i infektimeve dhe i vdekjeve qëndron ende i lartë dhe spitalet nuk kanë shtretër të mjaftueshëm për të përballuar situatën.
Lajme të tjera
-
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
Trump njofton tarifat tregtare, 25% për Kanadanë dhe Meksikën! 10% për Kinën, kryejnë tarfik droge në SHBA
26 Nëntor, 15:34
-
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03 -
Cilat vende e kanë ndaluar TikTok-un dhe pse?
20 Nëntor, 22:33 -
Takimi i G20, përparësi ndryshimet klimatike dhe ulja e varfërisë
20 Nëntor, 16:06 -
Forumi i Bashkëpunimit Ekonomik Azi-Paqësor, Biden takohet me presidentin kinez Xi Jinping
17 Nëntor, 16:30 -
Lidhjet e Koresë së Veriut me Rusinë, në qendër të takimit të fundit të presidentit Joe Biden me presidentin Xi Jiping
16 Nëntor, 20:49 -
I riu vret me thikë 8 persona dhe plagos 17 të tjerë pasi nuk mori dot diplomën
16 Nëntor, 20:21 -
Kina zhvillon stërvitje ushtarake afër Filipineve
13 Nëntor, 16:48 -
Rendi i ri botëror, një botë shumë polare
13 Nëntor, 13:00
-
BE-ja nuk do luftë tregtare me Kinën, thotë ambasadori i bllokut në Pekin
9 Nëntor, 15:31 -
Rriten tensionet mes dy Koreve, Veriu provokon përsëri, bllokon sinjalin GPS të avionëve dhe anijeve! Jugu ankohet në OKB
9 Nëntor, 08:28
