POP 5

Lajmet më të lexuara të 5 minutave të fundit

Bota

Kina tre ditë stërvitje ushtarake në ngushticën e Tajvanit, SHBA bën thirrje për qetësi: Përmbahuni

Për tre ditë, Kina do të zhvillojë stërvitje detare ushtarake në ngushticën e Tajvanit, në përgjigje të provokimit nga ana e ishullit pas takimit me një zyrtar të lartë amerikan. Këtë përgjigje të ashpër ndaj vizitës së Tajvanit në Amerika, Uashingtoni e sheh si të gabuar.

Kina tre ditë stërvitje ushtarake në ngushticën e Tajvanit, SHBA bën thirrje për qetësi: Përmbahuni

Foto ilustruese

TAJVAN-Për tre ditë, Kina do të zhvillojë stërvitje detare ushtarake në ngushticën e Tajvanit, në përgjigje të provokimit nga ana e ishullit pas takimit me një zyrtar të lartë amerikan. Këtë përgjigje të ashpër ndaj vizitës së Tajvanit në Amerika, Uashingtoni e sheh si të gabuar. Kina ka simuluar sulme precize kundër objektivave kyçe në Tajvan dhe ujërat përreth tij gjatë ditës së dytë të stërvitjeve ushtarake. Stërvitjet, të cilat Pekini i ka quajtur një "paralajmërim të ashpër" për ishullin vetëqeverisës - janë një përgjigje ndaj presidentit të Tajvanit që vizitoi SHBA javën e kaluar.

Zyrtarët e Departamentit Amerikan të Shtetit i kanë kërkuar Kinës që të mos reagojë tepër ndaj një takimi, i cili u zhvillua në Kaliforni dhe kanë bërë thirrje për "përmbajtje dhe asnjë ndryshim të status quo-së".

Kina, e cila e cilëson Tajvanin territor të sajin, kishte paralajmëruar që asnjë takim të mos zhvillohej mes Presidentes së Tajvanit Tsai Ing-wen me zyrtarin e lartë në SHBA javën e kaluar.

Stërvitjet - të cilat Pekini i ka quajtur një "paralajmërim të ashpër" për Taipei - kanë përdorur forcat detare dhe ajrore për të simuluar rrethimin e ishullit.

Tajvani tha se dhjetëra avionë kinezë fluturuan rreth ishullit të dielën, ndërsa nëntë anije u vunë re gjithashtu.

Operacioni, i quajtur "Shpata e Përbashkët" nga Pekini, do të vazhdojë deri të hënën.

Zyrtarët tajvanezë janë tërbuar nga operacioni dhe të shtunën zyrtarët e mbrojtjes në Taipei akuzuan Pekinin se përdor vizitën e zonjës Tsai - ku ajo u takua me kryetarin e Dhomës së SHBA-së, Kevin McCarthy - si një "arsyetim për të kryer stërvitje ushtarake, të cilat kanë dëmtuar seriozisht paqen dhe stabilitetin. dhe sigurinë në rajon”.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tati: 09/04/2023 15:46

    Amerika i ndez zjarret dhe tani nga ana tjeter thote permbahuni , ju duhet te zhdukeni nga bota maskarenj

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Ligjbërësit iranianë kërkojnë ndryshimin e projektligjit të rreptë për hixhabin

Ligjbërësit iranianë kërkojnë ndryshimin e projektligjit të rreptë për hixhabin

18 Dhjetor, 15:09