Pas suksesit në edicionin e parë, Festivali Ndërkombëtar i Filmit dhe Fotografisë Travel Fest Albania rikthehet. Aventura ku mund të bëhet pjesë çdo spektator nis mbrëmjen e 3 korrikut në Amfiteatrin e Tiranës. 112 filma të përzgjedhur mes 1500 aplikimeve, do të shfaqen në 5 kinema, tashmë edhe përtej Tiranës.
“Këtë vit jemi zgjeruar edhe në Durrës e Gjirokastër”, tregon Pandeli Çeço themelues dhe drejtor i Travel Fest Albania.
Me një juri të përzgjedhur ndërkombëtare, ky edicion vjen me risi.
“112 filmat do të gjykohen nga 18 anëtarë të jurisë shqiptarë dhe të huaj” shprehet Gentian Kurti, drejtor artistik i Festivalit.
Nga Tirana në Amfiteatrin e Durrësit e Kalanë e Gjirokastrës për 5 ditë publiku shijon kinema cilësore dhe turizmin përmes saj, pasi dhe filmat promovojnë trashëgiminë. Mbi 50 autorë, i kanë thënë po ftesës për të qenë të pranishëm në Shqipëri.
“Në këtë edicion thuajse të gjithë autorët e filmave nuk ngurruan të përgjigjen pozitivisht” u shpreh më tej Çeço.
Produksionet shqiptare mbeten ‘thembra e Akilit.
“Ne kemi një kategori për filmin shqip. Filma shqiptarë ka, por do të donim të kishte më shumë produksione”, shprehet më tej Çeço.
E megjithatë filmi jashtë konkurrimit “Pirro dhe Antigona” me regji të Suela Bakos (gjithashtu anëtare jurie në festival) vjen si një ogur i mirë duke shënuar premierën mbrëmjen e 5 korrikut pranë Amfiteatrit të Liqenit.
Lajme të tjera
-
Përmbyllet edicioni II i Travel Fest Albania
8 Korrik 2023, 13:21 -
Travel Fest nis në Amfiteatër! Regjisorët e huaj: Një përvojë e jashtëzakonshme! Shqipëria, një thesar i fshehtë për tu zbuluar! Në 5 ditë 112 filma
4 Korrik 2023, 15:45 -
Travel Fest Albania merr certifikatën EFFE, renditet ndër festivalet më të mira në Europë
2 Dhjetor 2022, 12:14 -
128 filma, nis 'Travel Fest Albania', Bojken Lako: Ide fantastike! Çeço e Kurti: Të ftuar kineastë të njohur
19 Korrik 2022, 16:17
