POP 5

Lajmet më të lexuara të 5 minutave të fundit

Kultura

Kirmen Uribe, shkrimtari spanjoll në
Tiranë me “Bilbao- New York- Bilbao”

Shkrimtari spanjoll, Kirmen Uribe vjen në Shqipëri për një bashkëbisedim nga afër e më të thelluar me lexuesit e tij të mundshëm në gjuhën shqipe duke prezantuar librin e tij Bilbao -New -York –Bilbao. 
Shkrimtari spanjoll, Kirmen Uribe vjen në Shqipëri për një bashkëbisedim nga afër e më të thelluar me lexuesit e tij të mundshëm në gjuhën shqipe duke prezantuar librin e tij Bilbao -New -York –Bilbao.

Libri i përkthyer nga shkrimtari i njohur shqiptar, Bashkim Shehu u mundësua nga shtëpia botuese "Toena" në kuadër të festivalit të librit dhe artit pamor në ditën ndërkombëtare të librit.

Irena Toci, botuesja e Toenës gjatë takimit të shkrimtarit spanjoll me lexuesit e tij u shpreh për librin, i cili vjen në shqip, si një përkthim mjaft cilësor. “Ky libër do të qarkullojë në shqip dhe do t`i jap lexuesve të vet po aq sa dhe në gjuhën e tij origjinale baske që është botuar për herë të parë”, tha botuesja Toci.

KIRMEN URIBE

Në këtë takim për të prezantuar shkrimtarin spanjoll Kirmen Uribe ishin të ftuar Ministria e Kulturës Mirela Kumbaro, zv ambasadorja e Spanjës në Shqipëri dhe shkrimtarët Preç Zogaj dhe Ylljet Aliçka.

Për mikrofonin dhe kamerën e A1Report shkrimtari Kirmen Uribe u shpreh i emocionuar rreth takimit të organizuar për prezantimin e librit të tij.

KIRMEN

“Më prezantuan dy shkrimtarë të njohur shqiptarë që e kishin lexuar librin duke dhënë përshtypjet e tyre, përfaqësuesit e ambasadës dhe ndërhyrja e Ministres së Kulturës. Kështu që, jam shumë i kënaqur”, tha Uribe.
 
Në lidhje me përkthimin në gjuhë të ndryshme të botës dhe së fundi në shqip, shkrimtari Kirmen Uribe, u shpreh se ndihej shumë mirë që është përkthyer edhe në gjuhën shqipe, i cili është një vend i vogël ashtu si gjuha e tij e vendlindjes Baske.

“Ky është romani im i parë dhe është një fat për mua që është përkthyer nga gjuhë të mëdha por edhe nga gjuha shqipe”, u shpreh shkrimtari Kirmen Uribe.

KIRMEN

Bilbao - Nju-Jork - Bilbao rrjedh përgjatë një fluturimi nga aeroporti i Bilbaos në aeroportin JFK të Nju-Jorkut, dhe shtjellon historinë e tre breznive të një familjeje.

Përmes letrash, ditarësh, mesazhesh, e-mail-esh, poezish dhe fjalorësh, krijohet një mozaik kujtimesh e rrëfimesh, që përbëjnë një homazh ndaj një bote thuajse të zhdukur, dhe njëherësh një këngë për vazhdimësinë e jetës.

KIRMEN

Me këtë roman, fitues i Çmimit Kombëtar të Prozës më 2009, Kirmen Uribe debuton mahnitshëm në panoramën e prozës hispanike.

I konsideruar si një nga rinovuesit më të shquar të letërsisë së sotme, futet në ujërat e autofiksionit me një stil të pasur, kompleks, sugjestiv dhe prekës përnjëmend.

KIRMEN

Libri i Kirmen Uribes është përkthyer në frëngjisht, spanjisht, katalanisht, galicisht, portugalisht, japonisht, rusisht, sllovenisht, serbisht, gjeorgjisht dhe bullgarisht. Pra, shqipja është gjuha e katërmbëdhjetë. Redaksia Online (m.z/shqiptarja.com)

/Shqiptarja.com
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Meta në SPAK 2 orë e gjysëm, avokati Gjokutaj: U pyet vetëm për lobimin në SHBA! Kërkoi të flasë me gazetarët, por i thanë e pamundur

Meta në SPAK 2 orë e gjysëm, avokati Gjokutaj: U pyet vetëm për lobimin në SHBA! Kërkoi të flasë me gazetarët, por i thanë e pamundur

7 Janar, 13:24