Një prej të moshuarave që mori plagë në autobusin e djegur në Krujë, ka vdekur tre ditë më parë, por trupi i saj nuk mund të sillet dot në vendin tonë për shkak të pamundësive financiare.

E njëjta situatë është edhe për viktimën tjetër që ndërroi jetë të martën. At Konstandin Prifti,drejtuesi i kishës  së  Shën Theodhorit në Vlorë ndërsa përshkruan gjendjen e të plagosurave të tjera tregon edhe pamundësinë për të sjellë nga Greqia trupat e pajetë.

"Para tre ditësh  ndërroi jetë  e ndeja  Sose Labaj  që akoma nuk e kanë sjellë për arsye  të pagesave që kërkojnë procedurat. Duhen 1500 € për ta sjellë  në shqipëri. Dje në drekë ndërroi  jetë Vitori Lumashka  është edhe shumë rëndë  sekretarja e kishës, Lina Hajdinaj", shprehet Prifti. 

Për të grumbulluar të ardhurat për kthimin, ai shprehet se u është drejtuar besimtarëve, por kontributi i tyre ka qenë i pamjaftueshëm për të kryer këto pagesa.

"Unë po vazhdoj për të gjetur  burim të ardhurash nga besimtarët por janë  të ardhura të vogla, nuk arrihen të paguhen 1500€ për çdo person", u shpreh At Konstandin.

At Konstandin Prifti bën apel për të gjithë qytetarët që të japin një kontribut sado modest për të mundësuar bërjen e pagesave dhe të sillen në Shqipëri viktimat e aksidentit tragjik të Krujës.

Për këtë Kisha ka hapur edhe një numër Llogarie të cilin e shikoni në këto pamje. 

kisha

Redaksia Online
(M.Ç/shhqiptarja.com)