Dy persona kanë rënë në prangat e policisë së Tiranës dhe 2 të tjerë janë shpallur në kërkim ndërkohë që një tjetër do hetohet në gjendje të lirë.
E H., 34 vjeç, dhe A.K., 61 vjeç u arrestuan në flagrancë pasi në bashkëpunim me njëri tjetrin kryenin aktivitetin e paligjshëm të lojërave të fatit në një lokal në Laknas ndërkohë që pronari i lokalit i identifikuar me inicialet L.D, 34 vjeç do të procedohet në gjendje të lirë pasi sipas policisë ai kishte vënë lokalin në dispozicion për personat që organizonin lojërat e fatit.
Në kërkim nga Policia janë shpallur edhe 2 të tjerë A.C., 44 vjeç, dhe V.D., 22 vjeç, të dy banues në Kamzë për të njëjtën vepër penale atë të organizimit të paligjshëm të lojrave të fatit.