POP 5

Lajmet më të lexuara të 5 minutave të fundit

Bota

Kishte planifikuar sulm terrorist ditën e zgjedhjeve në SHBA, arrestohet i riu nga Afganistani

Departamenti Amerikan i Drejtësisë ka arrestuar një person që dyshohet se kishte planifikuar një sulm në ditën e zgjedhjeve në SHBA emër të grupit terrorist të Shtetit Islamik.

Kishte planifikuar sulm terrorist ditën e zgjedhjeve në SHBA, arrestohet i riu nga Afganistani

FBI

Departamenti Amerikan i Drejtësisë ka arrestuar një person që dyshohet se kishte planifikuar një sulm në ditën e zgjedhjeve në SHBA emër të grupit terrorist të Shtetit Islamik.

I dyshuari, Nasir Ahmad Tawhedi, 27 vjeç, është nga Afganistani me banim në Oklahoma City,, sipas prokurorëve.

“Ky i pandehur, i motivuar nga ISIS, dyshohet se kishte organizuar një sulm të dhunshëm, në ditën e zgjedhjeve, këtu në atdheun tonë”, tha drejtori i FBI-së, Christopher Wray në një deklaratë të martën.

Afgani 27 vjeçar u tha hetuesve pas arrestimit të tij të hënën se ai kishte planifikuar sulmin e tij të përkonte me ditën e zgjedhjeve muajin e ardhshëm dhe se ai dhe një bashkëpunëtor i mitur do të vdisnin si dëshmorë, sipas dokumenteve të akuzës.

Nasir Ahmad Tawhedi, i cili hyri në Shtetet e Bashkuara në vitin 2021 me një vizë të veçantë imigrimi, kishte ndërmarrë hapa në javët e fundit për të çuar përpara planet e tij të sulmit, duke përfshirë porositjen e pushkëve AK-47, shitjen e pasurive të familjes së tij dhe blerjen e biletave për gruan dhe fëmijën e tij për udhëtim drejt Afganistanit.

“Terrorizmi vazhdon të jetë përparësi kryesore e FBI-së dhe ne do të përdorim çdo burim për të mbrojtur popullin amerikan”, tha përmes një deklarate drejtori i FBI-së, Christopher Wray.

Tawhedi kërkoi pushkë sulmi AK-47 për t'i përdorur në sulm, pretendojnë autoritetet. Më 7 tetor, ai dhe bashkëpunëtori u takuan me agjentë të fshehtë të FBI-në për të blerë armët dhe municionet. Pas blerjes, Tawhedi dhe bashkëpunëtori i tij u arrestuan.

Sipas Departamentit të Drejtësisë, pas arrestimit Nasir Ahmad Tawhedi u tha hetuesve se kishte planifikuar një sulm në ditën e zgjedhjeve, që do të kishte në shënjestër grupe të mëdha njerëzish.

Ndaj Nasir Ahmad Tawhedi u ngritën akuza për komplot dhe përpjekje për të ofruar mbështetje materiale për Shtetin Islamik, që Shtetet e Bashkuara e kanë shpallur organizatë terroriste.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A justifikohen aktet e dhunes gjatë një proteste politike?

Lajme të tjera



×

Lajmi i fundit

Hodhën molotovë e shkatërruan në protesta e 7 tetorit, arrestohen edhe 2 protestues! 5 nën hetim

Hodhën molotovë e shkatërruan në protesta e 7 tetorit, arrestohen edhe 2 protestues! 5 nën hetim

9 Tetor, 10:14