Kjo është 'mënyra paqësore' e Berishës

Asnjë dyshim nuk kishte nëse dhuna do karakterizonte gjithë protestën “kombëtare” pas hapjes së asaj  pusete fyerjesh që shoqëroi gjithë fushatën e ish-kreut të PD-së.

Roland Bejko, anëtar i kryesisë, u ndalua i pari të hynte në seli, pikërisht “në mënyrë paqësore”, siç paralajmëroi Berisha.

Nuk dihet ende se sa “paqësor” do jetë deri në fund të kësaj dite ai dhe ata që e shoqërojnë, por mund të them me bindje se atje nuk janë as shpirti i vërtetë i PD-së, e as ata që duan që PD-ja të ketë një frymë.

PD-ja nuk mund të jetë shtëpia e dhunës, sepse nëse dikush pushton shtëpinë e vet me dhunë, atëherë çfarë mund të mendojnë qytetarët që ai apo ata do t’i drejtohen më pas t’u besojnë shtëpitë e tyre?

Sot ndiej trishtim për shtëpinë tonë të përbashkët, por le të shpresojmë se do ketë më shumë të kthjellët se sa nga ata që duan të shohin dhunimin si kryefjalë.

K.T./SI.E./Shqiptarja.com

TAG:
• sali berisha
• Namir Lapardhaja
• perplasja berisha basha
• 8 janari i berishes