KLD, Berisha:Aleanca e qelbësirave
në kundërshtim me Kushtetutën

TIRANE - Në një postim në profilin e tij në facebook deputeti i Partisë Demokratike, Sali Berisha, ka dhënë komentin e parë të tij mbi kalimin në parlament të Ligjit mbi KLD ditën e djeshme.

Pasi ka etiketuar Kryeministrin Rama dhe Kryetarin e Parlamentit Meta si “aleanca e qelbësirave”, Berisha ka listuar një mori institucionesh, konventash e deklaratash që bien në kundërshti, sipas tij, me ligjin mbi KLD që u votua në Parlament vetëm me votat e mazhorancës.
 
Deputeti Berisha hedh akuza të forta mbi pavarësinë e këtij institucioni pasi, me nota disi apokaliptike, ai e konsideron si pre, tashmë, të vullnetit të “Policisë Socialiste” dhe vetë “neo-bllokmenit” Edi Ramës.

Më poshtë postimi i deputetit Berisha i plotë:
“Tani e tutje vendimet e gjykatave dhe drejtesine do ta merrni nga neo-bllokmeni Edvin Kristaq Rama!

Te dashur miq, dje "aleanca e qelbesirave" Rama - Meta, ne kundershtim te hapur me parimet me themelore te sistemit demokratik te ndarjes dhe kontrollit te pushteteve, ne kundershtim me Kushtetuten e vendit dhe Konventen Europiane te te Drejtave te Njeriut dhe Deklaraten Universale te te Drejtave dhe Lirive Themelore te Njeriut te OKB, qe misherojne dhe garantojne parimin universal te prezumimit te pafajesise dhe pavaresise se sistemit gjyqesor, si dhe ne kundershtim me kerkesat e Komisionit Europian, partnereve tane kryesor dhe OSBE, votuan dje ne Parlamentin e krimit ligjin me te cilin, sapo policia socialiste te ngre padi penale per gjykatesit, organi i pavarur KLD duhet te pezulloje gjykatesin nga detyra. 

Sipas ketij ligji Rama do mund te zgjedhe, nepermjet pezullimit te cdo gjykatesi qe nuk i bindet atij, gjykatesin e çeshtjeve tuaja me qeverine e tij. Ky eshte nje ligj anti-demokratik, unik ne boten e lire. Bijte po ecin me shpejtesi drejt eterve!! Sb”- shkruan Berisha në rrjetin social Facebook.

Redaksia Online
(e.n/Shqiptarja.com)

TAG:
• OSBE