POP 5

Lajmet më të lexuara të 5 minutave të fundit

Politikë

KLD presion Kuvendit tek SHBA
e Bashkimi Evropian

Këshilli i Lartë i Drejtësisë nuk pranoi dje që të ngrinte një komision brenda saj për të shqyrtuar kërkesën e parlamentit për shkarkimin e dy anëtarëve, Elvis Çefa dhe Lulzim Lelçaj. 
KLD presion Kuvendit tek SHBA<br />e Bashkimi Evropian
TIRANE- Këshilli i Lartë i Drejtësisë nuk pranoi dje që të ngrinte një komision brenda saj për të shqyrtuar kërkesën e parlamentit për shkarkimin e dy anëtarëve, Elvis Çefa dhe Lulzim Lelçaj. Pas një mbledhje e cila zgjati për më shumë se dy orë, KLD i ktheu një përgjigje parlamentit duke theksuar se informacioni do t’i dërgohet Komitetit të Helsinkit në SHBA dhe Parlamtit Europian.

Në bazë të komunikatës zyrtare të Këshilli të Lartë të Drejtësisë, theksohet se: “Më tej, Këshilli pas diskutimeve, vendosi me shumicën e votave që t’i dërgojë Kuvendit të Shqipërisë një informacion shpjegues lidhur me vendimmarrjet kolegjiale të KLD, të cituara në materialin e nënshkruar nga deputetët, pavarësisht faktit se kjo kërkesë i adresohet dy anëtarëve të KLD të zgjedhur nga Kuvendi. Gjatë diskutimeve, disa anëtarë të KLD propozuan që ky iformacion t’i dërgohet edhe Komisionit të Helsinkit në Kongresin Amerikan si edhe Komisionit për Politikën e Jashtme të Parlamentit Evropian”

Mbledhja
Mbledhja e Këshillit të Lartë të Drejtësisë u bë nën drejtimin e presidentit të Republikës, Bujar Nishani. Duke qenë se kërkesa e 39 deputetëve të mazhorancës kishte të bënte për shkarkimin e nënkryetarit të KLD-së, mbledhja u zhvillua nën drejtimin e presidentit Nishani pasi Cefa ishte në konflikt interese dhe nuk mund ta shqyrton çështjen. Dy ditë me parë, një grup prej 39 deputetësh dorëzuan pranë Kryetarit të Kuvendit Ilir Meta, kërkesën për shkarkimin e anëtarëve të Këshillit të Lartë të Drejtësisë, Elvis Çefa dhe Lulzim Lelçaj. 

Sipas kërkesës në fjalë, deputetët e majtë kanë evidentuar 10 shkelje të bëra nga Cefa dhe Lelçaj. Në mesin e shkeljeve të konstatuara, në materialin 12 faqësh, deputetët e mazhorancës, theksojnë faktin se gjyqësori sot gjendet i vlerësuar gjerësisht si i korruptuar. Po ashtu nënvizohet edhe shkelja në rastin e lejimit të konfliktit të interesit, në rastin e gjyqtarit të Apelit Gjin Gjoni si anëtar i Këshillit drejtues të Magjistraturës, për të vijuar më pas me mos emërimin e gjyqtarëve brenda afateve.

Pas rrëzimit të kërkesës, Komisioni i Ligjeve do të vendos për ngritjen e një komisioni hetimor i cili do të hartojë raportin për shkeljet që mazhornaca ka konstatuar për dy anëtarët e KLD dhe më pas pritet që të dërgoi për votim në seancë plenare shkarkimin e tyre.


Shkrimi u botua në Shqiptarja.com (print) në 21 Shtator 2014

Redaksia Online
(d.a/shqiptarja.com) 
 

  • Sondazhi i ditës:

    Marrëveshje në Ohër, po shkojnë Kosova e Serbia drejt pajtimit përfundimtar?

Lajme të tjera



×

Lajmi i fundit

Ishin duke shkuar për në Kishën e Laçit, drejtuesja humb kontrollin e mjetit dhe përfundon në përrua! Shpëtojnë mrekullisht dy të rejat

Ishin duke shkuar për në Kishën e Laçit, drejtuesja humb kontrollin e mjetit dhe përfundon në përrua! Shpëtojnë mrekullisht dy të rejat

20 Mars, 11:41