"KLD të ndëshkojë gjyqtarët" 
Brenda një muaji nga kërkesa

TIRANE- Deputetë të PS dhe PD kanë kërkuar ndryshimin e ligjit mbi funksionin e KLD dhe konkretisht në pikat e kontrollit, mandatit dhe shkarkimit të anëtarëve. Kjo duke saktësuar dhe largimin nga puna në rast të shkeljeve ligjore apo verifikimet në të paktën çdo dy vite. Deputetët shprehen se në shumë raste, veprimtaria e KLD-së ka qenë objekt i kritikave nga opinioni publik dhe është kthyer në një faktor, që perceptohet në rastin më të mirë si i pafuqishëm për të ushtruar presionin pozitiv brenda sistemit të drejtësisë e në rastin më të keq si favorizues i fenomenit të korrupsionit.