Kandidatet e Partisë Socialiste për qarkun e Durrësit, Klodiana Spahiu dhe Emiriana Sako, vazhdojnë fushatën elektorale, ndërsa u ndalën sot në Sukth.
Në takimet me banorët. Ato theksuan se mandati i tretë do të jetë vazhdim i projekteve të mëdha që sapo kanë nisur në Durrës, të cilët do ta transformojnë plotësisht atë.
Kandidatja Klodiana Sapahiu, e cila mban nr 4 në listën me 15 emra, në takimin e zhvilluar në Sukth me gra dhe vajza të zonës tha se në mandatin e ardhshëm do të bëjmë një transformim të madh njësisë administrative Sukth, e cila është më e madhja e bashkisë Durrës.
“Në pak kohë, Durrësi u godit nga dy fatkeqësi të rënda, tërmeti dhe pandemia. Ishte një tërmet i fortë, edhe Sukthi u godit rëndë, por qeveria ndërhyri dhe u angazhua menjëherë. Që të nesërmen e tërmetit njerëzit u sistemuan në hotele dhe nuk mbeti njeri jashtë. Kanë qenë vendimmarrje të vështira gjatë kësaj periudhe, por ne ditëm të punojmë fort dhe prandaj e kërkojmë mandatin e tretë, që të vazhdojmë më tej punët dhe projektet e nisura. Zona juaj ka pësuar ndryshime të mëdha, është shndërruar tërësisht sistemi i furnizimit me energji elektrike. Shumë vetë nuk e paguanin energjinë, paguanin ata më të rregullit, të tjetër abuzonin, por sot kemi një gjendje krejt ndryshe. Kemi investime në sektorin e ujit të pijshëm, lagjet e Sukthit po furnizohen me 24 orë ujë të pijshëm. Nga ana tjetër jemi të ndërgjegjshëm se ka pasur përmbytje, por me masat e marra bënë që ta kalojmë situatën me dëme minimale”, tha Spahiu.
Në lidhje me projektet më të mëdha, Klodiana Saphiu përmendi investimin për transformimin e portit tregtar në port turistik dhe ndërtimin e portit të ri në Porto Romano. Një tjetër projekt, sipas Spahiut, është ai për ndërtimin e Eko-Parkut në Porto Romano.
“Ju jeni dëshmitarë se si ka qenë gjendja e mbetjeve urbane, të cilat digjeshin dhe shkaktonin një ndotje masive për Durrësin dhe rrethinat e tij. Tani aty s’ka më mbetje dhe sipër fushave të plehrave po ndërtohet Eko-Parku, një pikë mjaft e rëndësishme rekreacioni që do të tërheqë shumë qytetarë të Durrësit dhe përreth”, shtoi Spahiu.
Ndërkohë, kryetarja e bashkisë së Durrësit, Emiriana Sako është shprehur në këtë takim se viti 2020 është përqendruar më së shumti tek eliminimi i pasojave të tërmetit, ku tha se në këtë drejtim kemi bërë një punë të madhe.
“Nga procesi i rindërtimit ne kemi pasur në total 10256 familje që kanë marrë fonde nga grantet e rindërtimit DS1, DS2 dhe DS3. Kemi pasur në total 4800 familje që kanë përfituar bonus qiraje për ata që janë detyruar ti lënë shtëpitë e tyre dhe një pjesë e madhe e tyre vazhdojnë ta marrin bonusin e qirasë. Kemi 1000 shtëpi që po rindërtohen nga e para në lagjen e re në Spitallë dhe 1000 të tjera në Manëz dhe njësitë e tjera administrative. Kemi 32 objekte arsimore që po ndërtohen nga e para në gjithë territorin e bashkisë. Sukthi është njësia më e madhe administrative dhe ka marrë normalisht pjesën më të madhe. Këtu kanë përfituar 996 familje nga grantet e rindërtimit dhe 326 familje të tjera kanë përfituar bonusin e qirasë. Këtu 103 shtëpi do të ndërtohen nga e para, midis të cilave 40 janë në proces ndërtimi (një pjesë kanë përfunduar), ndërsa në Vadardhë ne kemi planifikuar që të ndërtojmë shtëpi të reja për cdo kurorë në familjet që kanë qenë me dy ose tre kurorë brenda. Kemi edhe 10 pallate që do ndërtohen nga e para në këtë zonë dhe ne do shtojmë numrin e hyrjeve në këto pallate në mënyrë që nëse ka të interesuar, të kenë mundësi të marrin hyrje me qira, sidomos çiftet e reja”, tha ajo.
Po ashtu, Sako shtoi se çdo vit, afro 20 milion lekë të reja shkojnë për investime të ndryshme në Sukth si dhe në Hamallaj.
“Këtë vit kemi planifikuar investimin në rrugën hyrëse, nga autstrada deri tek Kthesa e Ariut si dhe një tjetër investim në rrugën Perlat-Hamallaj. Do të ndërtohen edhe dy qendra të reja shëndetësore, ku njëra është donacion nga “Tifozët Kuqezi”. Në zonën e Sukthit u ndërtuan dy shkolla të reja, së bashku me kopshtin. Investime të rëndësishme janë bërë edhe nga Ujësjellës Kanalizime Durrës me fonde të bashkisë dhe buxhetit të shtetit. Aktualisht Vadardha furnizohet me 24 orë ujë, ndërsa së shpejti edhe lagje të tjera do të kenë të njëjtin orar furnizimi me ujë të pijshëm”, shtoi ajo.
Lajme të tjera
-
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Nata e ndërrimit të viteve në Durrës, bullgarët e polakët kryesojnë rezervimet në hotele! Operatori turistik: Çmimet u rritën me 10%
21 Dhjetor, 11:37
-
Dy aksidente me vdekje në Durrës e Librazhd, dy të rinjtë humbin jetën pas përplasjeve me kamionët (VIDEO)
21 Dhjetor, 07:09 -
Ylli Pata: A do pranohet nga socialistët, propozimi i SHBA për zgjatjen e mandatit të prokurorëve të SPAK?
20 Dhjetor, 19:33
-
Vranë babanë dhe e groposën në kasolle, Prokuroria e Durrësit mbyll hetimet dhe dërgon për gjykim dosjen për 3 fëmijët
20 Dhjetor, 15:42
-
Emigrantët kthehen në shtëpi për festa, nisin lundrimet e dyfishta të trageteve! Kapiteni i Portit të Durrësit: Rreth 6 mijë pasagjerë çdo ditë, 10 % më shumë se vjet
19 Dhjetor, 14:17
-
Shqipëria e Kosova nesër mbledhje të përbashkët të dy Kuvendeve, ‘përjashtohen’ Berisha e Basha! Lista e deputetëve pjesëmarrës
19 Dhjetor, 14:16 -
Policia e Durrësit ekzekuton vendimin për konfiskimin e 4 pasurive të 'Zotit të drogës' Alket Hatija! Dy apartamente, një truall e një garazh, Italia e dënoi me 20 vjet burg për drogë
18 Dhjetor, 12:08 -
Media gjermane pranon se artikujt për Portin e Durrësit ishin të gabuara dhe i tërheq mbrapsht
17 Dhjetor, 21:04 -
Ben Andoni: Politika nuk i njeh më shqiptarët
17 Dhjetor, 17:42
-
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
Durrës/ Rekrutonin vajza aziatike për prostitucion në Shqipëri, goditet grupi kriminal kinez! Një i arrestuar, 2 në kërkim dhe 7 vajza nën hetim (EMRAT+DETAJET)
17 Dhjetor, 10:40
