Një 18-vjeçar nga Klosi është dhunuar jashtë ambienteve të shkollës së mesme të kësaj zone dhe shkak për këtë është bërë një konflikt i çastit që ai ka pasur me shokët e klasës brenda shkollës.

Sipas të dhënave, bëhet e ditur se, D. Ll, 18 vjeç,  ka bërë kallëzim në polici ku ka deklaruar se në afërsi të shkollës së mesme Suç, jashtë  ambienteve  të shkollës, në rrugën para një  lokali, është goditur me grushte nga bashkëmoshatarët  B. N. 18 vjeç, si dhe nga  kushëriri i tij  F. N, 18 vjeç.
 
I riu ka shpjeguar se gjithçka kishte ndodhur  si pasojë e një konflikti të çastit  të ndodhur para 2 muajsh midis tij dhe B.N,  të cilët janë të dy nxënës në shkollën e mesme të përgjithshme Suç.

Nxënësi D.Ll ka shpjeguar se  është goditur me grushta nga dy personat e lartpërmendur  dhe në asnjë rrethanë nuk janë përdorur  as mjete të forta,  as mjete të mprehta apo  armë zjarri. 

Pas kallzimit nga nxënësi D.Ll,  policia ka bërë  shoqërimin e të rinjve.

Redaksia Online
(F.T/shqiptarja.com)