"Nuk do të çuditesha në qoftë se ky rast do të dilte inskenim,” - theksoi Klosi, – "kjo është shprehja më e saktë që mund të përdor përsa kohë që i referohem vetëm medias si gjithë qytetarët. Por gjëja e parë që të vjen në mend kur dëgjon këtë histori, është se kush ka interes që të ndodhë? Pse? E them këtë pasi u bë një fushatë para dy javësh në Kuvend, u përfshi gjithë opozita, ish-Kryeministri dhe u bë shumë zhurmë. Aty u fol për implikimin e Ministrisë së Mbrojtjes në trafikun e drogës. Por, është absurde ta mendosh, sepse Ministria e Mbrojtjes ka një numër të madh njerëzish ku vështirë se mund të rrinte tërë ky sekret.
Edhe sikur t'i ishte thyer rrota, ai aeroplan nuk mund të ishte ngritur dot më në atë rërë, se aty duhet shpejtësi ndaj muamë duket e sajuar që ai avion të ngecte aty. Ai ishte atje për të përligjur ato deklarata aq të forta që u bënë në Kuvend për drogën.
Automjeti me drogë ishte shumë më i thjeshtë për t’u gjendur aty, kurse avioni kërkonte ca punë. Nëse "xhipi" e pa që avioni u ul, nuk kishte pse afrohej fare aty... Pra... ka një konfuzion informacioni, që mua më bën përshtypje shumë të keqe. Mendoni që një pilot me eksperiencë të ngecë aty, përveçse ta bëjë qëllimisht. Unë kam eksperienca shumë me ish-Kryeministrin që sajonte gjëra dhe nuk çuditem sot, kur shoh edhe Lul Bashën që “trash zërin”, nënvizoi Klosi.
Pra, fjala e saktë do ishte: "Nuk do të çuditesha në qoftë se do të dilte inskenim, se e prisja këtë gjë. Kjo është një çështje në proces hetimor dhe unë nuk di më shumë se thonë mediat. Unë dëgjova sot Drejtorin e Policisë që jepte të dhëna, por nuk tregonte se kush fshihej pas atyre.
Problemi na fillon me një njeri të papunë, që na vjen në Shqipëri të nxjerrë ca para. Pra, çështja është mjaft sipërfaqësore. Unë do doja që Prokuroria t’i shkonte deri në fund, jo vetëm për 400 kg që u kapën, por për gjithë tymnajën që u krijuan, për xhestin ekstrem të kërkesës së dorëheqjes së Qeverisë. Pra, kush ishte i interesuar për ta krijuar këtë tymnajë,"- vërejti ai.
"Unë nuk di që të bëhet kaq kollaj transportimi i një sasie të tillë droge, sepse kushton. Edhe ardhja e këtij njeriu është e habitshme, një njeri që vjen në Divjakën që nuk e njeh fare. Pa u arrestuar tamam, ai i thotë Policisë se unë kam transportuar drogë dhe e kam hedhur këtej e andej. Pra, ata që e kanë përgatitur, me siguri i kanë mësuar edhe çfarë do të thotë.
E rëndësishme në këtë moment është që Evropa po e shikon se si po përplaset opozita me Qeverinë, se sa shumë baltë po i hedhin asaj, në një kohë kur priten vendime të rëndësishme. Ata po e përdorin këtë rast si "kalin e betejës". Të thuash që Policia është e përfshirë në trafikun e drogës, apo Ministria, apo Kryeministri e Ministri i Brendshëm, është absurde dhe ata i kanë hyrë një rruge të gabuar.
Lidhur me protestën e nesërme jam kurioz të shoh si e kanë organizuar", u shpreh Klosi dhe, duke përfunduar, pyetjes se a shpreson që kjo çështje të zbardhet, Klosi ju përgjigj me mosbesim:
“Kam frikë se kjo çështje nuk do të zbardhet sepse në Shqipëri ka shumë ngjarje pezull. Po vrasja e Azemit, a nuk është e pazbardhur?! Po vrasja e 26 personave në Gërdec?! Po 21 Janari?! Pra, ka shumë “pezull” në Shqipëri që nuk janë zgjidhur. Unë uroj që kësaj çështjeje t’i shkohet deri në fund, se do zbulohen gjëra më të mëdha se 400 kg drogë, por nuk besoj.”
Redaksia Online
(ar.sh/shqiptarja.com)
Lajme të tjera
-
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
-
Fitorja e partisë proruse, Presidentja e Gjeorgjisë thotë se nuk e njeh rezultatin e zgjedhjeve
27 Tetor, 22:27 -
'Mashkull, femër apo të tjera, çfarë gjinie je?', Tritan Shehu denoncon 'sondazhin' e OSBE-së për deputetët: Fyes, refuzoj ta plotësoj
24 Tetor, 20:21 -
Prapaskenat e garës për sekretarin e Përgjithshëm të OSBE, Shqipëria me kandidaturën e Igli Hasanit mund rivalin turk! Si do zgjidhet në Vjenë
26 Shtator, 17:15 -
Pas Celibashit, ambasadori i OSBE-së në Shqipëri takohet me Presidentin Begaj
7 Qershor, 21:05 -
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59 -
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51 -
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45 -
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
