POP 5

Lajmet më të lexuara të 5 minutave të fundit

Sociale

Klosi e Borchardt te Zyra rinore,bëhet
prezantimi i kandidatëve për drejtues

Zhvillohet mbledhja e dytë e bordit e Zyrës Rajonale për Bashkëpunim Rinor (RYCO), ka kishte për qëllim dhe përzgjedhjen e drejtuesit të saj.  VIDEO
Zhvillohet mbledhja e dytë e bordit e Zyrës Rajonale për Bashkëpunim Rinor (RYCO), ka kishte për qëllim dhe përzgjedhjen e drejtuesit të saj.
 
Sot në praninë e ambasadorit të OSBE-së Bernd Borchardt, dhe ministrit të Mirëqenies Sociale dhe Rinisë Blendi Klosi, do të bëhej dhe prezantimi final i 3 kandidatëve për pozicionin e drejtuesit të bordit të kësaj zyre rinore rajonale.
 
“Zhvillimet e kohëve të fundit na dëshmuan edhe një herë se marrëdhëniet në rajon kanë shumë nevojë të shikohen me vëmendje dhe kujdes. Ndaj kjo nismë është kaq e rëndësishme sepse punon në drejtimin e një konsolidimi ndërmjet të rinjve që në fund të fundit janë dhe gjeneratat që do të trashëgojnë këtë rajon. E ardhmja e popujve tonë punon për një qëllim madhor, si të heqim çdo barrierë paragjykimi që vjen nga e shkuara dhe që nxitet ende nga politika në rajonin tonë”, u shpreh Klosi.
 
Ndërsa ambasadori i OSBE-së në cilësinë edhe të organizatorit të këtij takimi u shpreh se ky takim po mbahet me rastin e 20 vjetorit të vendosjes së Zyrave të OSBE-së në Tiranë dhe se qëllimi i saj do vazhdojë të mbetet ndërtimi i marrëdhënieve të mira në rajon.
 
“Qëkur OSBE është vendosur ka pasur si synim të promovojë rininë, paqen dhe sigurinë për ta çuar rininë përpara nëpërmjet shumë aktiviteteve që kemi pasur, për të promovuar të rinjtë dhe demokracinë. E mirëpresim Zyrën Rajonale të Bashkëpunimit Rinor si pjesë e jona dhe të bashkëpunojmë. E vlerësojmë që kjo zyrë ka vendosur që të ketë qendër edhe në Tiranë dhe presim që të ndajmë edhe bashkëpunimin edhe përgjegjësitë”, u shpreh ai. 
 
Zyra rajonale e bashkëpunimit rinor, është një projekt i firmosur nga 6 kryeministrat e rajonit dhe mbledhjen  parë e kanë pasur në datën 8 dhjetor kur për vendin tonë shënohet dhe dita e rinisë.
 
Në takim merrnin pjesë disa nga vendet pjesëmarrëse të përfaqësuar nga kjo zyrë rinore, mes tyre kishte përfaqësi edhe Serbia. 

Redaksia Online
Al.N/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03