Ministrja e Shëndetësisë dhe Mbrojtjes Sociale, Albana Koçiu deklaroi sot se Klinika Stomatologjike Universitare do të zgjerojë shërbimet e kujdesit dentar për moshën e tretë.
Gjatë një bashkëbisedimi me të moshuarit për të cilët ofrohen shërbime falas pranë kësaj Klinike, ministrja Koçiu ndau lajmin se për pensionistët do të ofrohen shërbime edhe të shtunën e parë të çdo muaji .
“Klinika Stomatologjike Universitare do të qëndrojë e hapur të shtunën e parë të çdo muaji për të moshuarit që kanë nevojë të shoqërohen nga një familjar, veçanërisht për ata të cilët nuk mund të vinë dot vetëm dhe kështu krijojmë mundësinë që të aksesohet nga sa më shumë të moshuar që të marrin shërbime dentare”, u shpreh Koçiu.
Koçiu theksoi se do të vazhdojnë të ofrojnë kujdes cilësor shëndetësor për të gjithë të moshuarit si dhe shërbime dentare në qendrat rezidenciale dhe ato ditore të të moshuarve duke ofruar shërbime terapeutike dhe proteza dentare. Të gjitha procedurat për realizimin e trajtimit ortopedik me proteza dentare do të realizohen në kabinetet dentare të lëvizshme duke ofruar asistencë dhe shërbim dentar aty ku dhe jetojnë.
“Kemi detyrimin që të ofrojmë kujdes shëndetësor për të gjithë të moshuarit nëpërmjet skemës së rimbursimit, kujdesit dentar siç e ofrojmë në këtë Klinikë. Drejtoresha e KSU ka marrë angazhimin që në të gjitha qendrat e të moshuarve të ofrojë kujdes dentar. Të merren masat për të gjithë ata që kanë nevojë për proteza dhe të ofrojmë proteza”, nënvizoi Koçiu
Gjithashtu, ministrja e Shëndetësisë gjatë bashkëbisedimit me një të moshuar foli edhe për planin e ri të qeverisë shqiptare për përmirësimin e skemës së pensioneve, që synon të jetë akoma edhe më dinjitoze për të gjithë të moshuarit.
Klinika Stomatologjike Universitare ka 8 njësi shërbimi kryesore: Kirurgji orale, Ortopedi, Ortodonci, Terapi, Pedotonti, Profilaksi dhe, Periodontologji dhe Sëmundje mukoze. Në Klinikën Stomatologjike Universitare shërbimi ofrohet falas për kategoritë në nevojë, gupmoshën 0-18 vjeç, nga komunitetit rom, rezidentet e institucioneve të përkujdesit social, të moshuarit si dhe personat që trajtohen me ndihmë ekonomike. Gjatë këtij 9-mujori, në Klinikën Stomatologjike Universitare, kanë marrë shërbim 9952 pacientë, prej të cilëve 2100 të moshuar kanë marrë shërbime protetike dhe 3000 paciente të moshës së tretë kanë marrë shërbime Kirurgjikale.
Lajme të tjera
-
Komisioni i Shëndetësisë miraton nen për nen Buxhetin 2025, bëhen edhe propozime të reja: Të rritet pagesa e invaliditetit!
20 Nëntor, 16:42 -
Importet e barnave nga India, Bangaldeshi e Kina me autorizim ministri, KLSH: Në 3 vite pa analiza fiziko-kimike
20 Nëntor, 07:44 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Interpelanca/ Shehaj vendos në Kuvend denoncimin e qytetarit në Report Tv për humbjen e djalit tek Onkologjiku! Ministrja Koçiu: Fatkeqësinë e një prindi e përdorni për kredo politike
14 Nëntor, 12:37 -
Kush refuzon 3 herë punësimin, humbet ndihmën ekonomike! In vitro falas për 150 çifte, protezë gjiri 600 grave me kancer
12 Nëntor, 17:07
-
Ekonomia/ Koçiu për buxhetin e Shëndetësisë: Hera e parë që kalon 1 mld euro, rimbursim ilaçesh për 400 mijë qytetarë, dëmshpërblim ish të përndjekurve dhe bonus bebesh
12 Nëntor, 13:13 -
‘Hetimori’ i Shëndetësisë, dëshmon ministrja Albana Koçiu: Check-up e sterilizimi, vlerë e shtuar në shëndetësi! Akuzat e opozitës? Koncesionet arritën qëllimet
5 Nëntor, 17:47 -
QSUNT binjakëzohet me qendrën spitalore më të madhe izraelite, Koçiu: Gur themeli për përmirësimin e shërbimit onkologjik
4 Nëntor, 12:16 -
Godina e Kardiokirurgjisë në QSUT në rikonstruksion, Koçiu: Do pajiset me teknologjinë më të fundit
4 Nëntor, 10:20 -
Mbyllja e fushatës ndërgjegjësuese të kancerit të gjirit, Koçiu: Lehtësojmë depistimin për gratë, çdo muaj një tetor rozë në çdo qytet pa sistem referimi
2 Nëntor, 13:46 -
‘Tetori rozë’, Koçiu dhe Balluku apel grave: Parandalimi përmes depistimit shumë më efikas se kurimi, kontrolle falas pa sistem referimi
21 Tetor, 13:34 -
Mamografi për gratë e FA-së, Koçiu: Njësitë e lëvizshme kontrolle falas gjatë gjithë vitit
19 Tetor, 11:43
