Kodheli dënon incidentin me
Nikollën: Unë jam me Linditën

Ministrja e Mbrojtjes, Mimi Kodheli, ka reaguar pas incidentit të një grupi studentësh me ministren e Arsimit, Lindita Nikolla. 

Përmes një statusi në rrjetin social, Facebook, Kodheli dënon gjestin e të rinjve, ndërsa i shpreh mbështetje koleges së saj.

"Keqardhje për gjestet dhe mënyrën e zgjedhur nga disa të rinj për të arritur qëllimet. #UnëJamMeLinditën!", shkruan Kodheli. 


(Postimi i Kodhelit në Facebook)

MInistrja e Arsimit, Lindita Nikolla, u qëllua sot me salcë gjatë një aktiviteti me studentë te Piramida. Policia shoqëroi në komisariat si të dyshuar studenten e Fakultetit të Shkencave Sociale, Mirela Ruko. Kjo e fundit u filmua në momentin kur hodhi salcë në drejtim të ministres. 

Redaksia Online
l.q/Shqiptarja.com