POP 5

Lajmet më të lexuara të 5 minutave të fundit

Politikë

Kodheli: Po hartojmë strategjinë e
sigurisë, nuk cenohet Nishani

Projektligji i ri për forcat e armatosura, ka shkaktuar dje një debat të ashpër në Kuvend ndërmjet ministres së Mbrojtjes Mimi Kodheli dhe Arben Imamit.
TIRANE- Projektligji i ri për forcat e armatosura, ka shkaktuar dje një debat të ashpër në Kuvend ndërmjet ministres së Mbrojtjes Mimi Kodheli dhe Arben Imamit. Në fjalën e saj në aulën e Kuvendit, Kodheli theksoi se gjendja e Forcave të Armatosura në momentin kur ajo mori drejtimin e Ministrisë së Mbrojtjes ishte në gjendje katastrofike.

Ndaj kësaj situate, ajo e quajti domosdoshmëri një ligj të ri për Forcat e Armatosura dhe deklaroi dje se ai nuk prek asnjë kompetencë kushtetuese të Presidentit të Republikës në cilësinë e Komandantit të Përgjithshëm të Forcave të Armatosura. Por për Ish-ministrin e Mbrojtjes Arben Imami, është procedura që parashikon ky ligj, ajo që cenon kompetencat e kreut të shtetit. “Ne po hartojmë një strategji të re të mbrojtjes që duhet të ishte hartuar nga ju sapo vendi u anëtarësua në NATO. Ju, në jo pak raste keni shkelur Kushtetutën, dhe keni keqpërdorur institucionin e presidencës. Asnjë përgjegjësi kushtetuese e Presidentit nuk do të preket.

As edhe një e vetme. Hapeni Kushtetutën e lexojeni nenin 92/b dhe nenin 169”,- u shpreh Kodheli. Pas kësaj deklarate të PD-së reagoi ish-ministri i Mbrojtjes Arben Imami. Sipas tij, në nenet që përshkruajnë dhe ndryshojnë procedurat duke i hequr kompetenca presidentit. “Nëpërmjet neneve që përshkruajmë dhe ndryshojnë procedurat, hiqet përmbajtja e kompetencave presidenciale, të cilat janë të dhëna me Kushtetutë. Besoj që kjo është ajo më e rëndësishme”,- u shpreh Imami.

Nuk kanë munguar as pak sekonda dhe filluan replikat personale mes ish-ministrit Imami, i cili deklaroi ndër të tjera se infrastruktura ushtarake po përdoret si infrastrukturë për transport të lëndëve narkotike dhe ministres Kodheli që kërkoi nga mazhoranca reflektim. “Zotërinj deputet, nëqoftëse ka një gjë që mund të nga largojë nga NATO, është ajo që po ndodh sot. Infrastruktura ushtarake e një ushtrie të NATO-s po përdoret për infrastruktura të transportit të lëndëve narkotike, dhe për këtë duhet të vijë dhe të flas ministrja këtu”,- shpreh Imami.

Por kësaj deklarate të Imamit iu kundërpërgjigj Kodheli, e cila e cilësoi fjalën e ish-ministrit si abuzim me parlamentin. “Edhe njëherë, reflektoni me zë të lartë dhe hajde të diskutojmë reformat në këtë fushë siç i takon nderi këtij Parlamenti. Dhe mos abuzoni me djemtë që rrezikojnë jetën siç keni abuzuar deri dje”,-tha Kodheli.
Por për çështjen e ushtarëve në Afganistan reagoi edhe ish-kryeministri Berisha i cili kërkoi që qeveria t’i përjashtojë ata nga paketa fiskale, pasi ata tanimë tatohen më shumë sesa më parë.

Shkrimi u publikua sot (11.04.2014) në gazetën Shqiptarja.com (print)

Redaksia Online
(d.a/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Ylli Pata: Pse Gaz Bardhi i trembet primareve në PD?!

Ylli Pata: Pse Gaz Bardhi i trembet primareve në PD?!

15 Janar, 20:39 nga Ylli Pata