Kodheli takim me Sekretarin e
Përgjithshëm të OSBE në Austri

AUSTRI-Sekretari i Përgjithshëm i OSBE-së, Lamberto Zannier, gjatë ditës së sotme është takuar me Ministren e Mbrojtjes së Shqipërisë, Mimi Kodhelin gjatë vizitës së saj dypalëshe në Austri.
 
Sekretari Zannier dhe Ministrja Kodheli kanë shkëmbyer pikëpamje të ndryshme për zhvillimet aktuale në Shqipëri dhe në rajon, si dhe diskutuan për bashkëpunimin e Shqipërisë me OSBE-në për reformat e ndërmarra në Shqipëri dhe gatishmërinë e Organizatës për të vijuar të ndihmoje procesin zgjedhor në vend, edhe përmes vëzhgimit të zgjedhjeve të ardhshme kuvendore.
 
Sekretari i Përgjithshëm ka sjell ndërmend kontributin e Prezencës së OSBE-së në Shqipëri për shkatërrimin në mënyrë të sigurt të municioneve konvencionale të tepërta dhe lëndëve kimike të rrezikshme në vend duke shkëmbyer ide me ministren për sfidat transnacionale , përfshirë këtu sigurinë kibernetike , dhe për mënyrat se si OSBE-ja mund të ndihmojë në trajtimin e tyre.
 
Ministrja e Mbrojtjes Kodheli i ka shprehur mirënjohje Organizatës për mbështetjen e saj të vijueshme për vendin.

Redaksia Online
D.M/Shqiptarja.com

TAG:
• OSBE