POP 5

Lajmet më të lexuara të 5 minutave të fundit

Politikë

Kodi i Etikës, PD propozon që 
ndëshkimet të mos i japë Byroja

Byroja e Kuvendit ka ndëshkuar ish-kryeministrin Sali Berisha dhe përfaqësues të tjerë të opozitës, sa herë që maxhoranca ka bërë një kërkesë të tillë. Që kjo të mos ndodh, Partia Demokratike ka gjetur hapësirë në Kodin e Sjelljes së Deputetëve që pritet të miratohet, për të bërë një ndryshim thelbësor sa i përket organit që do të jap masa ndëshkimore. VIDEO
Kodi i Etikës, PD propozon që <br />ndëshkimet të mos i japë Byroja<br>
Byroja e Kuvendit ka ndëshkuar ish-kryeministrin Sali Berisha dhe përfaqësues të tjerë të opozitës, sa herë që maxhoranca ka bërë një kërkesë të tillë. Që kjo të mos ndodh, Partia Demokratike ka gjetur hapësirë në Kodin e Sjelljes së Deputetëve që pritet të miratohet, për të bërë një ndryshim thelbësor sa i përket organit që do të jap masa ndëshkimore.

Në seancën e 26 shkurtit, me konsensus Balla-Spaho u vendos që miratimi i Kodit të Sjelljes së Deputetëve të shtyhej për një seancë tjetër pasi Partia Demokratike do të bëjë disa propozime të saj.

Amendamenti kryesor i Partisë Demokratike propozon që vendimet për ndëshkimin e deputetëve të mos i marrë Byroja e Kuvendit ku shumicën e ka Partia Socialiste, por të jetë Këshilli i Rregullores, Mandatet dhe Imunitetin ai që do të marrë vendimin.

Këshilli i Rregullores është organ me përfaqësim të barabartë maxhorancë-opozitë, çka do të thotë që për të ndëshkuar një deputetë do të duhet që të dakordësohen të dyja palët. Partia Demokratike e konsideron këtë propozim si më të rëndësishmin, pasi i heq maxhorancës mundësinë që të ndëshkojë përfaqësues të opozitës sa herë që Partia Socialiste do të kërkojë të përjashtojë një deputetë opozitarë.

Që prej vitit 2013 kur e majta mori votëbesimin për të formuar maxhorancën qeverisëse, deputeti më i ndëshkuar është Sali Berisha dhe pas tij, Flamur Noka.

Aktualisht, Këshilli për Rregulloren, Mandatet dhe Imunitetin është me 9 anëtarë nga 10 gjithsej. Vakanca është krijuar pas dorëzimit të mandatit të deputetit demokrat, Eduard Halimi.

Kodi i Sjelljes së Deputetëve është miratuar në parim në seancën e 26 shkurtit. Votimi nen për nen dhe në tërësi nuk është parashikuar të ndodh as këtë të hënë në seancë parlamentare.

Votimi në tërësi pritet të ndodh pasi palët do të kenë bërë të gjitha propozimet.  Kodin e Sjelljes së Deputetëve është një dokument i prodhuar nga misioni i OSBE-së që në vitin 2013 dhe ende pritet miratimi i tij.

d.b/shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Tiranë/ Vrasja e 14 vjeçarit, shtohen efektivët e policisë në të gjithë shkollat e kryeqytetit

Tiranë/ Vrasja e 14 vjeçarit, shtohen efektivët e policisë në të gjithë shkollat e kryeqytetit

25 Nëntor, 11:41