POP 5

Lajmet më të lexuara të 5 minutave të fundit

Sociale

Kodi i ri, kush nuk gëzon statusin e 
nëpunësit nuk rikthehet dot në punë

Punonjësit që nuk gëzojnë statusin e nëpunësit publik nuk do të fitojnë të drejtën e rikthimit në punë, por vetëm pagën e një viti. Qeveria ka bërë ndryshime në Kodin  e Punës duke hequr paragrafin ku flitej për këtë të drejtë në favor të punëmarrësve  VIDEO
TIRANË - Punëmarrësit që nuk gëzojnë statusin e nëpunësit publik nuk do të kenë të drejtë të rikthen në punë. Qeveria ka bërë ndryshime në Kodin e Punës, pikërisht në nenin 146 të tij që përcakton detyrimin e punëdhënësit në rast të largimit të padrejtë të punonjësit të tij nga detyra. Në ndryshimet e fundit që i janë bërë Kodit të Punës, mësohet se  nga neni përkatës që mbron të drejtën e punëmarrësit është hequr dispozita që i rikthente atë në punë, me vendim të formës së prerë të gjykatës.
Projektligji aktualisht është duke u diskutuar në parlament.

Nenit 146 të Kodit të Punës i është hequr paragrafi i cili e rikthen punonjësin në detyre dhe është lënë vetëm pjesa ku atij i jepet e drejta e fitimit të një page mujore. Në draftin e mëparshëm është përcaktuar se: “Zgjidhja e kontratës pa shkaqe të arsyeshme është e pavlefshme. Punëdhënësi që ka zgjidhur kontratën detyrohet ti japë punëmarrësit një dëmshpërblim deri në një vit pagë, që i shtohet pagës që ai duhet të marrë gjatë afatit të njoftimit. Për punëmarrësit në administratën publike , kur ka një vendim të formës së prerë  për kthimin në vendin e mëparshëm të punës, punëdhënësi  është i detyruar ta zbatojë këtë vendim”.

Por në projektin që është duke u diskutuar në parlament mësohet se është hequr paragrafi i dytë i cili i jep të drejtën punëmarrësit të rikthehet në detyre.
Nga ky ndryshim preket një kategori jo e vogël punonjësish, si mësues, infermier, policë, ushtarakë dhe sanitarë.

Redaksia Online
(Gre.M/Shqiptarja.com)
 
 
 

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52