POP 5

Lajmet më të lexuara të 5 minutave të fundit

Kronikë

Koka: Guroret larg vendbanimeve
moratorium gjuetisë

Ministri i Mjedisit, Lefter Koka ka kërkuar nga qeveria pjesë e së cilës është vetë, vullnet të gjerë politik, për spostimin e guroreve që kanë impakt negativ në mjedis, në një zonë të largët nga ajo urbane.
Koka: Guroret larg vendbanimeve<br />moratorium gjuetisë
PËRMET- Ministri i Mjedisit, Lefter Koka ka kërkuar nga qeveria pjesë e së cilës është vetë, vullnet të gjerë politik, për spostimin e guroreve që kanë impakt negativ në mjedis, në një zonë të largët nga ajo urbane.
 
Sipas ministrit Koka, kjo është në fakt ndër sfidat më të rëndësishme të ministrisë, që kërkon vullnet politik të qeverisë sepse ka një numër të madh guroresh në të gjithë vendin dhe impiante me dimensione të mëdha, të cilat kërkojnë impenjim financiar për t’i çuar në zona ku të garantojnë një zhvillim të qëndrueshëm ekonomik.
 
Nga Përmeti ku ndodhej për një takim me krerët e Shërbimeve Pyjore Rajonale dhe atyre mjedisorë, ministri Koka është ndalur, edhe tek moratoriumi i gjuetisë. Për ministrin, ky moratorium është një masë radikale por e domosdoshme, pasi janë 74 mijë armë gjahu të dhëna nga Ministria e Brendshme, edhe pse jo të gjitha shfrytëzohen për gjueti.
 
Kjo masë sipas Kokës, nuk shërben thjesht në frenimin e gjuetisë së paligjshme, por do vazhdojë më pas me disa rregullime në ligjin e armëve, ku do të bëjë të mundur, kontrollin më efikas pasi mjaft shpendë apo kafshë autoktone të vendit, tashmë  janë drejt shfarrosjes dhe një pjesë e tyre janë shfarrosur.
 
Si objektiv ne kemi mbarështimin e tyre për ti bërë fëmijët tanë në fund fare të mos i shohin fazanët vetëm përmes librave, por ashtu siç i kemi parë edhe ne apo prindërit tanë në natyrë”, është shprehur ministri Koka në Përmet.
 
Ministri Koka ka folur edhe për pyjet ku pranoi se janë dhënë me koncension mjaft pyje apo dhe keqshfrytëzimi i lumenjve. Koka garntoi se shumë shpejt do të evidentohen këto koncensione të dhëna të çdo lloj natyre dhe marrja e vendimeve, do të jetë tërësisht radikale me qëllim, rikthimin në identitet jo vetëm Përmetit, por gjithë Qarkut të Gjirokastrës.

Redaksia online
(esh/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57