POP 5

Lajmet më të lexuara të 5 minutave të fundit

Kosova & Rajoni

Komandanti francez refuzoi në 2000:
Arrestimi i Ivanoviç sjell luftë të re

Shefi i xhandarmërisë franceze në Mitrovicë, kishte refuzuar arrestimin në vitin 2000 të Oliver Ivanoviç: “Nëse arrestohet ai, ndizet Lufta e Tretë Botërore”. (Në foto: Oliver Ivanoviç)
MITROVICE - Një shqiptar dhe një kanadez kishin hetuar Oliver Ivanoviçin për krime lufte. Ata kishin arrestuar ndërkohë disa të dyshuar të tjerë, të cilët kishin ikur më vonë nga burgu.
 
Mahmut Halimi atë kohë ishte gjyqtar hetues. Së bashku me hetuesin kanadez, Gi Bourassa kishin siguruar prova kundër Ivanoviçit. Por, shefi i xhandarmërisë franceze kishte refuzuar arrestimin. Ishte arsyetuar se nëse arrestohet ai, “ndizet lufta e tretë botërore”, shkruan Koha Ditore.
 
Mahmut Halimi dhe Gi Bourassa kishin siguruar prova të mjaftueshme për ta arrestuar Oliver Ivanoviçin që në fillim të vitit 2000. U duhej mbështetje operative për ta realizuar këtë. Kërkesën ia kishin bërë direkt shefit të xhandarmërisë franceze në Mitrovicë, nga i cili kishin marrë refuzim.
 
Halimi atë kohë ka qenë gjyqtar hetues në Gjykatën e Qarkut në Mitrovicë, ndërsa Bouruassa hetues në Njësinë për krime lufte në UNMIK. Kishin punuar dhe siguruar prova, që, siç i kishin arrestuar edhe 7 serbë të tjerë, të arrestonin edhe Ivanoviçin, që dyshohej se si drejtues i një njësie policore kishte marrë pjesë në pushkatimin e 22 shqiptarëve në Lagjen e Kovaçëve në Mitrovicë më 14 prill 1999. Ndërkohë edhe të dyshuarit tjerë kishin ikur nga burgu i Mitrovicës.
 
Redaksia online
(ac/shqiptarja.com)

/Shqiptarja.com
  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze