Pas Naser Alijit, Shqipëria ‘rrëmben’ një tjetër talent në Maqedoni, mesfushorin Jasir Asani.
 
Lojtari ka pranuar t’i bashkohet përfaqësueses Shpresa të drejtuar nga Redi Jupi në një turne miqësor që do të zhvillohet në Antalia të Turqisë, nga data 21 deri më 31 Janar.
 
Federata Shqiptare e Futbollit i dërgoi kërkesë ekipit të Vardarit në Maqedoni për të lejuar lojtarin që të merrte pjesë në turneun e Antalias.
 
Jasir Asani ka luajtur me përfaqësueset e moshave të Maqedonisë. Në sezonin aktual të Ligës së Parë maqedonase, ai është aktivizuar në 7 ndeshje, duke realizuar edhe një gol për Vardarin.  



d.b/shqiptarja.com