POP 5

Lajmet më të lexuara të 5 minutave të fundit

Sport

Kombëtarja/ Sot miqësorja me Uellsin, Shqipëria mbetet në Ligën C

Pas humbjes poshtëruese me Skocinë Kombëtarja zbret sot në fushë ndaj Uellsit në miqësoren që luhet në orën 20:00 në Elbasan. Skuadra ka disa mungesa ndërsa do të kërkohet një fitore edhe për trajnerin Panucci. Tek Uellsi yjet Bale dhe Ramsey priten titullarë. Norvegjia na bën një nder dhe Shqipëria do luajë në Ligën C edhe edicionin e ardhshëm të Ligës së Kombeve.

Kombëtarja/ Sot miqësorja me Uellsin, Shqipëria mbetet në Ligën C

Kombëtarja në stërvitje para ndeshjes së sotme

Kombëtarja mbyll vitin futbollistik sonte me miqësoren ndaj Uellsit që do të luhet në “Elbasan Arena” duke nisur nga ora 20:00. Pas humbjes katastrofike të së shtunës ndaj Skocisë përballja e sotme me Uellsin e Bale është për të ringritur kokën. Trajneri Christian Panucci nuk dorëzohet dhe në konferencën e djeshme ka thënë qartë se ka kontratë deri në vitin 2019-të dhe nuk e jep dorëhejqen duke ia pasuar topin Presidentit Duka.

Skuadra në Durrës ka zhvilluar dje seancën e fundit stërvitore dhe sot kërkohet një provë e madhe. Mavraj ka thënë që sot luhet edhe për trajnerin. Gjimshiti, Binaku dhe Ndoj nuk do jenë të gatshëm dhe formacioni do jetë i arnuar. Panucci ka disa dilema por në portë pritet të jetë Strakosha , në mbrojtje rikthehet Hysaj që mund të laujë edhe në të majtë ndërsa priten titullarë edhe Veseli, Mavraj dhe Ismajli. Kaçe , Basha dhe Xhaka do ta nisin nga minuta e parë në mesfushë dhe në mbështetje të Bekim Balajt do jenë Gavazaj dhe Grezda. Uellsi vjen me artileri të rëndë në Elbasan dhe yjet Gareth Bale dhe Aron Ramsey pritet të jenë titullarë.

Trajneri i britanikëve Giggs legjenda e Manchester United është i kënaqur me ecurinë e ekipit gjatë këtij viti kalendarik por thotë se do ta mbyllë me fitore. Interesimi i tifozëve ka qënë i pakët ndërsa pritet sërish një pushtim këtë herë nga tifozët e Uellsit. Në gjithë këtë situatë të tmerrshme që po kalon Kombëtarja ka edhe një zhvillim pozitiv. Shqipëria ruan nderin duke qëndruar edhe për edicionin e ardhshëm të Ligës së Kombeve në Ligën C. Norvegjia duke mposhtur Qipron 2-0 ka bërë që qipriotët të jenë më poshtë se kuqezinjtë dhe Kombëtarja nuk zbret një Ligë më poshtë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

26 Dhjetor, 07:53