Kombëtarja shqiptare e futbollit e moshës U-15 e drejtuar nga trajneri Eqerem Memushaj, ka barazuar sërish në miqësoren e dytë Shqipëri U-15-Kosovë U-15, përsëri me rezultatin 1-1.

Takimi është zhvilluar sot në orën 12:00 në stadiumin “Loro Borici” të qytetit të Shkodrës. Kjo ishte përballja e dytë në harkun e tri ditëve, pasi ndeshja e parë miqësore u zhvillua në qytetin e Elbasanit, datë 3 maj, ora 16:00, stadiumi “Elbasan Arena”, dhe përfundoi me rezultatin e njëjtë 1-1.

Sfida ndërmjet përfaqësueseve ka qenë e ekuilibruar për të dy ekipet, të cilat kishin në fushë futbollistë të datëlindjes 2003-2004.

Kosova U-15 ka kaluar e para në avantazh me anë të futbollistit Mahmuti në minutën e 15-të dhe në minutën e 35-të ka barazuar Mezani për Shqipërinë.

Shqipëria U-15 luajti me këtë formacion: Marku, Toska, Preka, Mataj, Lulja, Pengu, Mezani, Koduzi, Arapi, Papaj, Sula.

Kartonë të verdhë: ’10 Preka, ’46 Pengu, ’65 Toma / ’10 Hetemi, ’65 Reka

Golat: ’35 Mezani/ ’15 Mahmuti