Kombëtarja U-19 fiton 1-0 miqësoren me Kazakistanin

Kombëtarja jonë U-19, e drejtuar nga trajneri Erion Bogdani, ka zhvilluar sot, në “Roza Haxhiu” të Lushnjës, ndeshjen miqësore me homologen e saj nga Kazakistani. Një ballafaqim i dominuar nga kuqezinjtë tanë, veçanërisht në aspektin e lojës, sepse rezultati ka qenë minimal në shifra.

Goli i Kumbullës (minuta e 40-të), në pjesën e parë, ka mbetur i pandryshuar gjatë 90 minutave, edhe pse tanët kanë pasur jo pak mundësi të volitshme për më shumë. 

Të dy trajnerët kanë kryer mjaft zëvendësime me kalimin e minutave, por ritmi ka qenë nën kontrollin e Shqipërisë, që do të luajë pas tri ditësh, më 27 mars, në të njëjtin stadium, një tjetër sfidë të tillë testuese me kazakët.

LEXO EDHE:
Miqësoret ndaj Maltës U-19/ Trajneri Bledi Shkëmbi fton 20 lojtarë, shtatë nga ekipet në Shqipëri

Trajneri Bogdani e ka nisur miqësoren në fjalë me këtë formacion titullar: Alia, Dragjoshi, Ismaigeci, Kalaj, Kumbulla, Rama, Liço, Halili, Pasha, Gkertsos, Gavazaj. Kujtojmë se Erion Bogdani ka grumbulluar 25 futbollistë, të datëlindjes 2000, ku dhjetë prej tyre aktivizohen në kampionatin tonë.
 

TAG:
• kombetarja U-19

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.4%

• Jo

  72%

• Nuk e di

  8.6%

Vota total: 2868

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di