KOMBINAT- Zëdhënësja e Partisë Demokratike, Ina Zhupa në një dalje për mediat ka vijuar me akuzat ndaj Ramës dhe Veliajt, ku thotë se kanë harruar banorët e kombinatit dhe se lagja e re është vetëm propagandë e qeverisë, pasi ende nuk kanë nisur shembjet.
'Ndodhemi në zonën e Kombinatit. Konkretish në këtë lagje është premtuar nga pinoku i bashkisë dhe shpura e propagandës që përdor Edi Rama, se do të ndërtohet lagja më e re e Kombinatit. Ata me 25 korrik e pagëzuan me Kombiart, ndërkohë këtu siç mund ta shikoni nuk kanë nisur shembjet dhe jo më të bëhet fjalë për rindërtimin e shtëpive', thotë Ina Zhupa.
Sipas zëdhënëses së PD, banorët nuk e dinë se si do të jetë fati i tyre dhe se nuk kanë asnjë kontratë të lidhur me bashkinë apo me ministrinë e Rindërtimit për ndërtimin e banesave të tyre të dëmtuara nga tërmeti i 26-nëntorit.
'Para një viti, pra në nëntorin e vitit të kaluar, Kombinati ishte një nga zonat më të goditura nga tërmeti. Rreth 1500 familje dolën të pastreha. Sot disa prej tyre trajtohen me bonusin e qirasë, por të gjithë nuk e dinë se si do të jetë fati i tyre. Askush nuk ka një kontratë të lidhur me bashkinë e Tiranës apo me institucionet e qeverisë siç është ministria e Rindërtimit. Askush nuk e di nëse do të jetojë në banesën e tij përsëri, kur të rindërtohet apo do të dërgohen në zona të tjera sipas preferencës së qeverisë apo të bashkisë Tiranë. Askush nuk e di se sa do të zgjasë procesi. Askush nuk e di se si do të jetë e ardhmja e tyre dhe familjeve të tyre. A do të jetojnë gjatë me bonusin e qirasë! A do të kthehen në shtëpitë e tyre dhe si do të shkojë procesi i rindërtimit', shprehet Zhupa.
Në deklaratën e saj nga Kombinati Zhupa hedh akuzat se kjo është e qëllimshme që njerëzit të mos organizohen dhe se kantieret e ndërtimit te 5 Maji ose te Sami Frashëri janë kantiere një ditore vetëm kur shkon kryeministri.
'Kjo është bërë me qëllim. Me qëllimin që propaganda të vazhdojë çdo ditë me kaseta të gatëshme nga Rama dhe shpura e tij e propagandistike, ndërkohë njerëzit nga pasiguria mos të dinë se si të veprojnë. Mos të kenë mundësi as të organizohen dhe as të bëhen pjesë e gjërave të mëdha që pritet të ndodhin në Kombinat. Kombinati pret përgjigje ashtu si edhe zonat e tjera të Tiranës që janë dëmtuar nga tërmeti i 26 nëntorit, duan të dinë se si do të shkojë fati i banesave të tyre, banesat që kanë ngritur me mund, banesat që kanë bërë sakrifica për ti patur, shumica pre të cilave janë edhe të padëmtuara dhe me kryqin e verdhë dhe jo me kryqin e kuq për tu shembur. Ndërkohë siç ua paraqitëm, kjo është lagjia që duhej të ndërtohej, por me sa duket planet janë shtyrë për një afat të pacaktuar. Sepse siç e keni parë, kantierët e rindërtimit te 5 Maji apo te Sami Frashëri janë kantiere njëditore vetëm kur shkon kryeministri dhe shpura e tij propagandistike. Ditët e tjera atje nuk punohet. Ashtu siç nuk punohet në Kombinat, nuk punohet në të gjithë Tiranën. E gjitha është fasadë. Realiteti është që qytetarët nuk dinë asgjë dhe janë lënë të vetëm përballë tërmetit, pandemisë dhe krizës ekonomike', thotë zëdhënësja e PD, Ina Zhupa.
Lajme të tjera
-
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Çlirimi i Shqipërisë, nxënës e veteranë mbjellin 80 pemë në varrezat e Dëshmorëve! Veliaj: Të qartë në vokacionin tonë Europian
27 Nëntor, 15:59 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
‘Unë mund të vdes! Djalin e kam me epilepsi’, thirrja e të moshuarit në Lezhë që ka mbetur në kasolle 5 vite pas tërmetit
26 Nëntor, 17:00
-
5 vite nga tërmeti vendi ende në rindërtim! Janë dorëzuar 11,663 banesa e apartamente, kostoja në buxhet arrin 920 mln euro
26 Nëntor, 16:39
-
Pesë vite nga tërmeti, 1123 familje ende pa shtëpi në Durrës! Procesi i rindërtimit i vonuar dhe në Lezhë, Kurbin e Krujë
26 Nëntor, 16:36 -
Enver Hoxhaj nderohet me titullin ‘Doctor Honoris Causa’ në Tiranë, Veliaj: Urë lidhëse mes Shqipërisë dhe Kosovës
26 Nëntor, 16:12 -
Vrasja e Martinit/ PD kërkon interpelancë me Manastirliun: Ngjarje e paralajmëruar, Paketa e Sigurisë propagandë
26 Nëntor, 15:34 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10
