'Komedia që shkon për dreq' mirëpritet në Korçë, këtë javë vjen në Teatrin Kombëtar

Pas Durrësit, “Komedia që shkon për dreq” është pritur ngrohtë edhe nga qytetit të Korçës. Për 3 netë me radhë, publiku korçar ka mbushur sallën e teatrit Andon Zako Çajupi për të parë shfaqjen me regji të Driada Dervishit e cila ka bërë bashkë emra të mëdhenj të aktrimit si Romir Zalla, Gentian Zenelaj, Monika Lubonja, Sokol Angjeli, Donald Shehu, Alesia Xhemalaj, me pjesëmarrjen e veçantë të Bujar Asqeriut.

Me një humor të hollë anglez, misterioze dhe tronditëse, “Komedia që shkon për dreq” përcjell mesazhin “Kur gjërat shkojnë keq, mos u shqetësoni sepse mund të shkojnë edhe më keq”. Bëhet fjalë për një shfaqje brenda shfaqjes, ku në qendër të së cilës janë një trup akorësh amatoreskë të cilët marrin përsipër që të sjellin një vepër teatrale shumë të rëndësishme, një kafshatë që për ta nuk mund të kapërdihet dhe aq lehtë dhe që përfundon në një dështim. Shfaqja e cila ndan prapaskenat me atë çka ndodh realisht në skenë u prit mjaft mirë nga artdashësit korçarë.


(Aktorët e shfaqjes “Komedia që shkon për dreq”)

Publiku që mbushi sallën ka qeshur jo vetëm me batutat, po dhe me lëvizjet e pamenduara të aktorëve “amatorë”. Një i vdekur që reagon e hyn në skenë, jo në momentin e duhur, për të demaskuar një tjetër krim, një e fejuar që dashuron vëllain e viktimës dhe harron tekstin, një aktor që trukohet si grua për të mbuluar incidentin e aktores dhe gjithçka shkon për dreq në shfaqjen e trupës amatore. 

LEXO EDHE:
Katër vite nga shembja e Teatrit Kombëtar, Meta: Akt kriminal që ende sot mbetet pa përgjegjës

Pas Durrësit dhe Korçës, “Komedia që shkon për dreq” vjen në kryeqytet, në Teatrin Kombëtar në datat 31 maj, 1, 2 dhe 3 qershor. Premiera teatrore është e shkruar nga Henry Shields Jonathan Sayer dhe Henry Lewis, me përkthim Artur Lena, muzika nga kompozitori Endri Sina, skena Beqo Nanaj, kostumet Elva Bella, lëvizja skenike Donald Martini, grafika e video Endri Beqo, ndërsa realizimi i videos Ervist Muhadri.

TAG:
• teatri kombetar
• teatri i durresit

Sondazhi i ditës:

Joe Biden tërhiqet nga gara presidenciale në SHBA, si e vlerësoni?

• Të drejtë

  86.2%

• Të gabuar

  3.8%

• S'më intereson

  10%

Vota total: 963

Votat totale janë unike

• Sondazhi i ditës:

  Joe Biden tërhiqet nga gara presidenciale në SHBA, si e vlerësoni?

  Të drejtë Të gabuar S'më intereson