POP 5

Lajmet më të lexuara të 5 minutave të fundit

'Pas këndimit të himneve nuk lehu më', Rama krahason qenin në Prishtinë me kritikët: Fiks si ata që fusin xixa mes meje dhe Albinit, nuk ka çështje të hapura mes nesh

Kryeministri Edi Rama nuk hezitoi të bënte batuta për reshjet e shiut dhe qenin që po lehte para fillimit të ceremonisë zyrtare të pritjes. Rama tha se qeni jep mesazh për ata që fusin xixa mes tij dhe Kurtit. "Qentë le të lehin, karvani të ecë përpara", tha Rama. 

Vëmendjen e Edi Ramës e mori një qen që po lehte para se të niste ceremonia zyrtare e pritjes së delegacionit shqiptar për mbledhjen e 8-të të përbashkët të dy qeverive Kosovë-Shqipëri.

Atë e ka krahasuar me të gjithë kritikët që sipas tij fusin xixa mes tij dhe homologut nga Kosova, kryeministrit Albin Kurti, me të cilin thotë se nuk ka çështje të hapura. Nuk munguan batutat e kryeministrit Rama për reshjet e shiut. 

"Faleminderit për ndalimin e shiut se ka pasur herë pas herë reshje 20 minutëshe. Ishte një qen që lehte para se të nisnin hymnet, por pas këndimit dhe qeni nuk lehu më, çka jep një mesazh për të ngjashmit e tij në botën e njerëzve që kërkojnë të fusin vazhdimisht xixa mes nesh dhe të shikojnë të shohin çështje të hapura mes meje dhe homologut këtu. Nuk ka të tilla, ne jemi shumë të hapur dhe për çështjet që nuk merremi vesh, kemi kënaqësinë e madhe t'i ndajmë duke u marrë vesh të mos merremi vesh, kështu që me të falat përkatëse për qenin e konsideroj të hapur këtë mbledhje", tha Rama.


Lajmi kryesor:

Mbledhja e 8 e përbashkët Shqipëri-Kosovë! Kurti: Kemi një oqean mundësish të pashfrytëzuara! Rama: Rritëm disa herë shkëmbimin ekonomik! Të arrijmë në 1 mld dollarë
/K.T./Shqiptarja.com
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Donald J. Trump: Një rrugëtim i pazakontë drejt presidencës

Donald J. Trump: Një rrugëtim i pazakontë drejt presidencës

2 Nëntor, 19:04