Komisionerët e Helsinkit thirrje për
zgjedhje të ndershme në Shqipëri

TIRANE- Në prag të zgjedhjeve lokale të ditës së dielë në Shqipëri, Komisioneri Rep. Robert Aderholt dhe Kryetari i Komisionit të Helsinkit Rep. Chris Smith kanë nxjerrë deklaratën e mëposhtme:
 
“Populli i Shqipërisë meriton një mundësi të ndershme për të zgjedhur një qeverisje vendore të përgjegjshme dhe të ndershme, çka është jetike për ta ndihmuar atë që të arrijë aspiratat për prosperitein, si dhe vendosjen e shtetit ligjor. Qytetarëve shqiptarë i duhet bërë e mundur  që të kenë besim se po marrin pjesë në një proces zgjedhor transparent, pa intimidime, kërcënime, apo sulme ndaj kandidatëve, mediave, zyrtarëve të zgjedhjeve, apo votuesve.

“Fatkeqësisht, të gjitha këto janë shqetësime aktuale në Shqipëri, dhe ne shpresojmë se këto zgjedhje do të vëzhgohen rreptësisht nga komuniteti ndërkombëtar, sidomos nga OSBE-ja dhe nga vetë grupet e brendshme shqiptare.

Sipas OSBE-së, zgjedhjet e së dielës për kryebashkiakë  dhe këshille bashkiake janë zgjedhjet e para që zhvillohen për njësitë e reja qeverisëse që janë vendosur nga reforma parlamentare e 2014-s që sjell 61 bashki të reja, që zëvendësojnë 373 bashkitë dhe komunat.

Komisioni i Helsinkit i SHBA-ve, ka monitoruar dhe nxitur Shqipërinë që të implementojë angazhimet e OSBE-së përmes vizitave në vend,  këshillimeve në Kongres dhe deklaratave periodike përgjatë 25 vite.

Redaksia Online
(d.a/Shqiptarja.com)

TAG:
• OSBE