POP 5

Lajmet më të lexuara të 5 minutave të fundit

Politikë

Komisioneri për informim kërkon mandatin e tretë! Dëgjesa e Dervishit në komision ndez debatin, përfshihet 'qytetari dixhital'

Mes debateve të shumta u zhvillua dëgjesa në Komisionin e Ligjeve me Komisionerin e Informimit, Besnik Dervishin që kërkon një mandat të tretë në krye të institucionit. Opozita e akuzoi se nuk ka justifikuar besimin për dy mandate radhazi duke thënë se dështoi në mbrojtjen e të dhënave të qytetarëve.

Tirane- Seanca dëgjimore në Komisionin e Ligjeve, ku Komisionieri për të Drejtën e Informimit dhe Mbrojtjen e të Dhënave Personale Besnik Dervishi u ul për të kërkuar një mandat të tretë në krye të këtij institucioni u shoqërua me debate të shumta paraditen e sotme. 

Deputetja demokrate Dhurata Çupi, lexoi një denoncim sipas të cilit Dervishi kishte vepruar në konflikt interesi disa vite më parë:

“Do lexoj një denoncim që na ka ardhur, do lexoj siç na ka ardhur. Komisioneri është në konflikt të hapur interesi, pasi ka vendosur legalizimin e një kompanie si ajo që përpunon të dhënat, ku një nga ortakët është nipi i tij dhe punon edhe në kryeministri”, - tha deputetja Çupi.

Kaq mjaftoi që debate të ndizej:

“Janë fakte të njohura edhe publikisht, janë fakte të vjetra. Ka pasaktësi të mëdha që duhet të kishin kaluar në filtrin e deputetit. Kryhet nga drejtoria e akreditimit, jo nga zyra e Komisionerit, nuk akreditojmë ne kompanitë”, - tha Dervishi.

“Mos e ktheni në një seancë hetimore. Për hetime, nuk është kjo strukturë, nëse keni dyshime, letrat bëjini paketë dhe nisini te strukturat përkatëse”, u shpreh socialisti Pandeli Majko.

“Unë i quaj pozitiv deputetët kur janë kurajozë e denoncojnë, por jo çdo denoncim që na vjen, merret bëhet për gjëra politike, duhet të largohemi nga qytetari digjital e të bëhemi deputeti digjital”, tha Petro Koçi, deputet i PS.

Opozita i kërkoi llogari Dervishit edhe lidhur me masat e marra pas rrjedhjes së të dhënave personale, në atë që e quan sistem patronazhimi.

“Për aq sa kanë qenë konstatimet tona, ia kemi vënën në dispozicion organit penal”, u përgjigj komisioneri.

Besnik Dervishi, në detyrë prej 2 mandatesh është i vetmi kandidat për zgjedhjen në detyrën e Komisionierit për të Drejtën e Informimit dhe Mbrojtjen e të Dhënave Personale

G.M./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Uaaaa: 18/09/2024 04:06

    Bejeni komisjoner te perjetshem se 2 mandate i paska ber ky

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56