Kosova & Rajoni

Komisioneri për Zgjerim i BE Varhelyi, letër Kurtit: Perspektiva e integrimit evropian të Kosovës kërkon vazhdimin e dialogut Kosovë- Serbi

Komisioneri për Zgjerim i Bashkimit Evropian, Oliver Varhelyi, përmes një letre drejtuar kryeministrit, Albin Kurti, i ka kërkuar rinisjen e dialogut për normalizimin e raporteve mes Kosovës dhe Serbisë.

Flamuri i Serbisë, Bashkimit Evropian dhe Kosovës

Redaksia 13 Prill 2021, 12:02 | Përditesimi: 13 Prill 2021, 12:13

“Perspektiva e integrimit evropian të Kosovës dhe kthimi në realitet për qytetarët e saj kërkon vazhdimin e Dialogut Beograd-Prishtinë të lehtësuar nga BE dhe normalizimin gjithëpërfshirës të marrëdhënieve me Serbinë”, thuhet në letrën e Varhelyi.

Ai në letrën e tij është shprehur se ky dialog është i domosdoshëm për rrugën e secilit shtet drejt Bashkimit Evropian.

LEXO EDHE:
Serbia 'mobilizohet' për zgjedhjet në Kosovë

“Kjo është thelbësore për rrugën përkatëse evropiane të Kosovës dhe Serbisë dhe për përmirësimin e bashkëpunimit rajonal”., shkruhet ne letër.

Komisioneri i BE gjithashtu ka thënë se mezi pret që të takohet me kryeministrin e Kosovës, Albin Kurti.

Varhelyi është shprehur se megjithatë, prioritet është “lufta” me pandeminë e COVID-19 dhe pasojave të saj socio-ekonomike, duke shtuar se BE do të qëndrojë gjithmonë pranë Kosovës gjatë kësaj kohe sfiduese.

“Luftimi i pandemisë së koronavirusit dhe pasojave të saj socio-ekonomike do të mbetet një prioritet kryesor për të ardhmen e parashikueshme. BE-ja tashmë ka siguruar ndihmë thelbësore dhe do të vazhdojë të qëndrojë pranë Kosovës gjatë kësaj kohe sfiduese”., thuhet në fund të letrës.

Letra e plotë:

J.GJ./Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com