POP 5

Lajmet më të lexuara të 5 minutave të fundit

Shëndeti

Bota

Komisioni i BE-së kërkon rihapjen totale të kufijve deri në fund të qershorit

Në prag të sezonit turistik, vendet e BE po lëvizin në mënyrë të pavaruar për të rihapur kufijtë dhe jo gjithmonë po bazohen në resiproritet

Komisioni i BE-së kërkon rihapjen totale të kufijve deri në fund të qershorit

Në prag të sezonit turistik, vendet e BE po lëvizin në mënyrë të pavaruar për të rihapur kufijtë dhe jo gjithmonë po bazohen në resiproritet.

Spanja do të hapë kufijtë e saj tokësorë me Francën dhe Portugalinë nga 1 korriku, tre muaj pas mbylljes së tyre për shkak të pandemisë. Në mënyra të ndryshme po rihapen kufijtë edhe në vendet e tjera.

Komisionerja Evropiane për Punë të Brendshme, Yllva Yohansson, ka deklaruar se do të zhvillojë një takim virtual të Ministrave të Brendshëm të BE

"Unë besoj se po i afrohemi momentit kur duhet të eliminojmë të gjitha kufizimet në kufijtë e brendshëm dhe kontrollet kufitare - thotë Ylva Johansson.

“Në takim do t'Ju propozoj shteteve anëtare që të heqin të gjitha kontrollet në kufijtë e brendshëm sa më shpejt të jetë e mundur. Një datë e dëshirueshme për të gjithë duhet të jetë fundi i qershorit".

Nëse çështja e kufijve të brendshëm evropian është më e lehtë për tu zgjidhur, ajo e kufijve të jashtëm është më e ndërlikuar. Ministrat e jashtëm francezë dhe italianë u takuan në Romë për të provuar të gjejnë një pozicion të përbashkët, një hap thelbësor për lëvizjen e lirë brenda Kontinentit të Vjetër.

"Kur bëhet fjalë për kufijtë e jashtëm, është mirë që të kemi të njëjtën qasje - shtoi Johansson - Ky është një parakusht për të patur kufij të hapur brenda Bashkimit Evropian dhe zonës Shengen. Kjo është arsyeja pse ky diskutim do të jetë shumë i rëndësishëm" .

Ekziston ndërkohë një presion i fortë nga industria e turizmit për të përshpejtuar rihapjen edhe pse ka ende rreziqe. Greqia ka njoftuar rihapjen, por u detyrua të pezullojë fluturimet përsëri nga Katar pas mbërritjes së 12 pasagjerëve që testuan pozitivisht për Covid 19.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02