Komisioni i Edukimit për RTSH
Ciko:Duhet reformim i programacionit

TIRANE- Komisioni i Edukimit dhe Mjeteve të Informimit Publik po zhvillon sot seancat dëgjimore me kandidatët për Këshillin Drejtues të RTSh. Zhani Ciko është i pari që ka prezantuar idetë për reformimin e RTSh-së.
 
“Problemet e muzikës janë specifike aty. Muzika duhet të jetë në shërbim të specifikës së institucionit. Deri në 2003 kam përjetuar të gjitha fazat e ndryshimit të institucionit. Muzika duhet të vihet në programacion sepse mungon një supervizion. Ka një fare spontaniteti. Emisionet janë një tjetër problem. Duhet përdorim me efikasitet i trashëgimisë muzikore. Ka lëkundje dhe nuk ka seleksion në lidhje me atë që është krijuar. Mungon konteporaniteti. Produksioni elitar të vijë i përshtatur për një media publike. Edhe për ata që jetojnë në fshat. Ka probleme të trajtimit profesional”, u shpreh Ciko.
 
Ndërsa deputeti Genc Pollo tha se “Nesër do të ftojnë Canin në një seancë dëgjimore për çështjen e buxhetit. Ndërsa ministret e Arsimit dhe Kulturës do të jenë të enjtë të ftuara në komision. Zonjat Hafizi dhe Gjerici do të përgatisin relacionin”.

Baxhaku tha se duhet rritur roli i Këshillit Drejtues të RTSH.
 
Ndërsa, avokataj Anila Sejdini u shpreh se “si përfaqësuese e ligjit mund të ndikoj në vendimmarrje në interes të publikut”.
 
Në referimin e saj, shkrimtarja Entela Kasi, tha se “menaxhimi i cilësisë dhe i shërbimit është prioriteti im”.
 
Sipas Zëvendës/Dekanës së Fakultetit të Shkencave Politike e Juridike, Nevila Rama, “RTSh ka nevojë për një reformë të thellë të bazuar në përfshirjen e shoqërisë dhe publikut në realizimin e programacionit. Dhe krahas dixhitalizimit duhet të fillojë të shndërrohet në një media interaktive”.

Redaksia Online
(e.s/.shqiptarja.com)