Socialistët nuk pranuan të heqin shpifjen si vepër penale për të gjithë qytetarët shqiptar, siç u propozua nga demokratja Jorida Tabaku.

Megjithatë, me kërkesë të BE-së, gazetarët nuk do të kenë përgjegjësi për shpifjen, dhe pse përkufizimi i miratuar nga Komisioni i Ligjeve ngre pikëpyetje se kush do të quhen gazetarë.

“Është dekriminalizim i pjesshëm, për gazetarët, jo shpifësit profesionistë. Jo të vetëshpallurit”, tha Ulsi Manja.

“Ku? Nuk ka vetërregullim, ku do regjistrohen. Thoni opozita nuk bëhet pjesë, nuk sjell nisma, kur e keni përpara një të tillë, ngrini kartonët, ndjej keqardhje”,tha Jorida Tabaku.

Ligji shoqërohet me masa mbrojtëse për sigurinë e gazetarëve, duke dënuar ata që i kërcënojnë apo dhunojnë për shkak të profesionit.

Ministria e Drejtësisë, prezantoi se si ndryshimet e reja të Kodit Penal do të ashpërsojnë dënimet për ndërtim të paligjshëm, zjarrvënëse dhe parkim dysh. Kjo e fundit, dënohet me deri 1 vit burg në rast se bllokon korsitë e emergjncës.

“Ashpërsohen ndeshëm dënimet për zënien e paligjshme të tokës dhe ndërtimet pa leje, sidomos në zonat e mbrojtura.  Dënimet më të ashpra kur këto bëhen nga nëpunës publikë. Ashpërsohet dënimi për zjarrvënëset kur ka pasoja apo bëhet me qëllim tjetërsimin e tokës. Dënohet parkimi më shumë kur pengon mjetet emergjente”, tha Besfort Lamallari.

Këto ndryshime në Kodin Penal do të testojnë të martën 84 votat e mazhorancës, ndërsa puna për Kodin tërësisht të ri, vijon.

“Të dënosh qytetarët për parkim dysh, e të mos dorëzosh në drejtësi zëvendëskryeministren, ju qofshi”, tha Tedi Blushi.

Kliko këtu për të lexuar dokumentin e plotë

Rendit zhvillimet sipas orarit:
Ora 14:15
Manja ironi me opozitën: Ndajeni si do i flisni njëri-tjetrit me datë 24 në protestë, se Berisha nuk dëgjon mirë nga veshët (VIDEO)

Deputeti i Partisë së Lirisë, Tedi Blushi në Komisionin e Ligjeve, ka dalë kundër propozimeve të ministrisë së Drejtësisë për ndryshimet në Kodin Penal ekzistues. Blushi tha se nuk është normale të dënosh me burg qytetarët për parkimin e dyfishtë dhe të mos i dorëzosh drejtësisë zv.kryeministren Belinda Balluku.

Blushi: Sot ky komision i ka dedikuar një ditë të posaçme ndërtimit të infrastrukturës ligjore për ta instaluar me ligj atë që opozita ka denoncuar si narkoshtet. E nisët me drogën, tani po vijoni me masa represive për të dënuar qytetarë për parkimin dysh. Më vjen keq që këtë nisëm e ka propozuar drejtori i Policisë së Shtetit dhe i jepka urdhra qeverisë. Të dënosh shqiptarët për parkimin dysh dhe të mos i dorëzosh qeverisë zv,kryeministren ju qofshi.

Ndërkohë drejtuesi i Komisionit të Ligjeve, Ulsi Manja, i ka ndërprerë fjalën duke i kërkuar të mos bëjë politikë në komision pune. Ndër të tjera, Manja e ironizoi dhe për protestën që opozita do të zhvillojë më datë 24 janar.

Manja: Ky është komision pune. Bëhet dhe politikë, por në funksion të agjendës që ka komisioni. Keni dhe selinë ku mund të mbani qëndrime. Të dëgjova dhe fakti që ju sillni zërin dhe shqetësimin e opozitës, unë uroj që me datë 24 t’i zgjidhni këto probleme. Vetëm nëse do të ndali sesi do t’i flisni njëri-tjetrit në vesh tek foltorja se kam përshtypjen se ai i madhi i opozitës nuk dëgjon mirë nga të dy veshët. Ma beso mua këtë.

K.B/Shqiptarja.com

K.B/A.A/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Porta: 27/01/2026 10:51

    O deputet hiqni celularet NGA duart kur jeni ne Salle Duke zhvillusr punimet kuvendi

    Përgjigju
  • Parku Rinia: 27/01/2026 08:01

    CILI do te jete koeficienti i RRISKUT / REZULTATI : = futja ne KAOS e SISTEMIT te DREJTESISE e atij te BURGJEVE = kjo NUK ESHTE POLITIKE PENALE ! --------- CFARE DEMOSTRON kjo METODE e RENDOMTE e ASPAK FUNKSIONALE per ZGJIDHJEN e PROBLEMIT ? = DESHIREN per t'i RRESHQITUR PERGJEGJESISE nepermjet ¨MAJES¨ se DALLGES ne KAOSIN e VETEUSHQYER se pari NGA VETE PARIA e kalbur POLITKE/OLIGARKIKE/MAFIOZE ( te FORTET ! ), = DUKE krijuar edhe ME SHUME KAOS per te gjithe SHOQERINE/EKONOMINE, = pra PAAFTESINE per te QEVERISUR e per TE BERE SHTET, = POR VETEM e VETEM per t'i GRABITUR ATO !!!!! ----------- ..... perseri, ... e perseri, ... e perseri = nje problem kancerogjen, vecanerisht per qytetet e medha ne Shqperi, NGA PROBLEM ADMINISTRATIV i cili do te duhet TE ZGJIDHET me MASA ADMINISTRATIVE, duke filluar NGA : -------- 1.- STANDARTIZIMI PROFESIONAL i AUTOSHKOLLAVE ! ; ---------- 2. - STANDARTIZIMI i PROVIMEVE dhe i TESTEVE te DREJTIMIT te MJETEVE MOTORIKE nga ana ENTIT PERKATES SHTETEROR ! ; --------- 3.- FUNKSIONIMI REAL i INSPEKTORATIT dhe INSPEKTOREVE te SHTETIT ( MINISTRI e AGJENSI SHTETERORE te MOS PUNESOJNE INJORANTE FUNKSIONALE te cilet LUAJNE PING PONG e DERI BIXHOZ GJITHE DITEN e DITES ne KURRIZ te JETES se NJEREZVE dhe te SIPERMARRESVE te VEGJEL e te MESEM ! ) ; -------- 4.- STANDARTIZIMI dhe VENDOSJA KAPILARE e SISTEMIKE e te GJITHE SENJALISTIKES (tabelave rrugore paralajmeruese e lajmeruese) SE DOMOSDOSHME !; -------- 5.- FUNKSIONIMI REAL i INSPEKTORATIT dhe INSPEKTOREVE te SHTETIT ( MINISTRI - AGJENSI SHTETERORE - BASHKI e POLICI BASHKIAKE - POLICI RRUGORE ! ....... ), = te MOS PUNESOJNE INJORANTE FUNKSIONALE te cilet LUAJNE PING PONG e DERI BIXHOZ GJITHE DITEN e DITES ne KURRIZ te JETES se NJEREZVE dhe te SIPERMARRESVE te VEGJEL e te MESEM ! ) ; -------- 6.- RRITJA e GJOBAVE e JO VETEM = ne te TILLA RASTE, TERHEQJA e MENJEHERSHME e MJETIT me KARROATREC = VENDOSJA DETYRUESE e PAGESES se TARIFAVE per te GJITHA KETO SHERBIME nga SHKELESI/T .... - deri PROCEDIM PERMBARIMI ! ; -------- 7.- FAMILJARIZIMI (krijimi i shprehive) me NORMAT e SJELLJES QYTETARE SIPAS STANDARTEVE RRUGORE te BE-se e te VENDEVE FUNKSIONALE, qe ne bankat e SHKOLLAVE ne te GJITHE SISTEMIN ARSIMOR ! ; ............. 8.- FAMILJARIZIMI (krijimi i shprehive) me NORMAT e SJELLJES QYTETARE SIPAS STANDARTEVE RRUGORE te BE-se e te VENDEVE FUNKSIONALE, nepermjet SPOTEVE TELEVIZIVE / RRJETEVE SOCIALE / SPOTEVE URBANE (= te ngjashme me publicitetet e cfaredoshme) ! ; ------ 9.- e KUSHDO qe NUK BEN PUNEN per (individ e/o sektor) = keta PO, KETA DUHET te penalizohen, SI KORRUPTIVE e te PAAFTE !

    Përgjigju
  • Beni4: 21/01/2026 14:29

    Ai i gjati sikur tha qe ka shume njerez ne burgje ,tani dashkan te fusin te tjere

    Përgjigju
  • Sondazhi i ditës: 10 Shkurt, 10:30

    Haga kërkon dënimin me 180 vite burg për ish-krerët UÇK, si e vlerësoni?

Lajme të tjera