POP 5

Lajmet më të lexuara të 5 minutave të fundit

Politikë

Komisioni i Shëndetësisë kalon pr/ligjin e kanabisit, rrëzohet propozimi i Braçes! Të enjten votimi në Parlament

Me vetëm votat e socialistëve, projektligji për legalizimin e kanabisit për qëlime mjekësore e industriale kaloi sot në Komisionin e Shëndetësisë duke u bërë gati për t’u votuar në seancën plenare të së enjtes. Komisioni rrëzoi propozimet e bëra më herët te ‘Ekonomia’ nga Erion Braçe, për të përcaktuar në ligj territorin ku do të kultivohet kanabisi për qëllime industriale.

Komisioni i Shëndetësisë kaloi pa votat e opozitës dhe vetëm me ato të deputetëve socialistë, projektligjin për legalizimin e kanabisit për qëllime mjekësore e industriale, që pritet të votohet në seancën e së enjtes (20 korrik) në parlament.

Në seancën plenare, projektligji do të shkojë me disa ndryshime, të propozuara nga deputeti socialist Ilir Metaj, mes të cilave vendosjen e tarifës së pakthyeshme 100 mijë lekë për çdo subjekt që do të kërkojë të licensohet për të kultivuar kanabisin, si dhe kalimin në filter të personave që do të punësohen për këtë qëllim.

"Kërkuesi për tu pajisur me licencë paguan në momentin e paraqitjes së kërkesës në vlerën 100 mijë lekë që është e pakthyeshe” lexoi propozimin kryetarja e Komisionit Zheni Gjergji i cili më pas kaloi me votim.

Por, me votat e socialistëve u rrëzua propozimin e Erion Braçes që në Komisionin e Ekonomisë kërkoi të përcaktohet në ligj territori ku do të kultivohet kanabisi për qëllime industriale, sikurse është përcaktuar për kanabisin mjekësor.

Argument për këtë, socialistët patën shpjegimin e përfaqësuesit të ministrisë së Bujqësisë që tha se është kompetencë e Këshillit të Ministrave të përcaktojë zonën kadestrale ku do të kultivohet kanabisi industrial.

Opozita akuzon se ky projekt-ligj, i cili sipas saj po kalon me shpejtësi, është shpërblim që qeveria po i bën grupeve kriminale.

"Do ti hapni rrugë krimit në Shqipëri, pastrimit të parave që vjen nga ky aktivitet dhe korrupsionit' tha deputetja Zheni Gjergji

Këshilli i Ministrave miratoi  në qershor 2023 projektligjin për legalizimin e kanabisit për përdorim mjekësor. 

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu