POP 5

Lajmet më të lexuara të 5 minutave të fundit

Ekonomi

Komisioni i Sigurisë "bujar" me
SHISH e Gardën, i jep më shumë para

Në mbledhjen me dyer të mbyllura deputetët në Komisionin e Sigurisë vendosën të miratojnë shtesën e parave që SHISH kishte kërkuar për vitin e ardhshëm. Bëhet fjalë për 9 milionë lekë të cilat e çojnë në 1 milion e 455 mijë buxhetin e shërbimit inteligjent për 2016-ën. Edhe me Gardën, deputetët janë treguar bujar duke i miratuar rritje prej 100 milionë lekësh për pagat e punonjësve.
Pas më shumë se dy vitesh me një pagë të palëvizur, punonjësit e Gardës së Republikës do të kenë vitin e ardhshëm një rritje të të ardhurave të tyre mujore. Komisioni i Sigurisë Kombëtare i kërkoi Ministrisë së Brendshme rritjen e pagave për këta kategori, dhe kjo ministri në bashkëpunim dhe me atë të Financave, përllogaritën kostot e këtij procesi. Sipas llogarive, duhen plot 143 milionë lekë në mënyrë që gardistët të marrin rritje page. Zëvendësministri i Brendshëm, Ilir Mustafaraj kërkoi që kjo shtesë të kryej në buxhetin e vitit 2016.

"Lidhur me buxhetin konkretisht për pjesën e pagave të punonjësve të Gardës së Republikës për të cilët ishte parashikuar trajtimi financiar sipas buxhetit të 2 viteve më parë, sugjerohet që pagat e këtyre punonjësve të shkojnë në nivelin e punonjësve të policisë të ndara sipas pozicioneve dhe e njësive analoge të mbrojtjes dhe kjo kërkon një shtesë page në total prej 143 milionë lekë. Kemi edhe një çështje rialokimi brenda buxhetit të MPB nga zëri i investimeve të kalojë në zërin e shpenzimeve operative një fond prej 200 milionë lekë për Gjendjen Civile për shkak të problematikave që lindin me regjistrin e adresave, është një detyrë që do të zgjidhet gjatë viteve 2016, 2017”, -tha Mustafaraj.

Por opozita, dhe pse mbështeti rritjen e pagave për gardistët, nuk ra dakord me shtimin e fondit të shpenzimeve, në krahasim me atë të investimeve. 

“Siç jeni në dijeni ne si opozitë kemi rezerva ndaj këtij buxheti se buxheti i MB pasqyron tendencën dhe dëshirën për babazi dhe makutëri, për të bërë investime për luks dhe vetura. Aq më keq me gjithë debatin që kemi bërë seancën e kaluar në komision na vjen prapë një rialokim që është i frikshme se hiqen investimet dhe rriten shpenzimet. Në vend që konsiderohej edhe rritja e pagave për gardën tani na vijnë vetëm shpenzime. Ky nuk është buxhet që kontribuon në sigurinë e qytetarëve por është për babëzinë e qeveritarëve”-tha Flamur Noka. 

Socialisti Arben Çuko propozoi që ndryshimet që kërkuan ministritë t’i përcillen komisionit të ekonomisë. Zëvendësministri Mustafaraj tha se nuk ka shpenzime. “Dakord me sugjerimin tuaj që garda  paguhet njëlloj si Policia e Shtetit. Sa i përket rialokimit, është i njëjti projekt, nuk bëhet fjalë as për makina as për shpenzime të tjera”-u shpreh Mustafaraj.
 
Siguria i jep 9 mln lekë shtesë SHISH
Deputetët e Komisionit të Sigurisë Kombëtare të cilët bien rrallë herë dakord me njëri-tjetrin as për marrëveshje të zakonshme, dhe jo më për fonde, dje kanë dëshmuar unitet sa u takon fondeve shtesë të kërkuara nga Shërbimi Informativ Shtetëror. Ky institucion ka kërkuar fonde për investime, në blerje pajisjesh përgjuese, si dhe në shtimin e numrit të punonjësve. Me unanimitet vendimmarrjeje, Komisioni kuvendor i Sigurisë Kombëtare i jep më shumë para Shërbimit Informativ Shtetëror.

Në mbledhjen me dyer të mbyllura deputetët vendosën të miratojnë shtesën e parave që SHISH kishte kërkuar për vitin e ardhshëm. Bëhet fjalë për 9 milionë lekë të cilat e çojnë në 1 milion e 455 mijë buxhetin e shërbimit inteligjent për 2016-ën. Edhe me Gardën e Republikës, deputetët janë treguar bujar duke i miratuar rritje prej 100 milionë lekësh për pagat e punonjësve. Megjithatë këto rritje do të kalojnë në sitën e Komisionit parlamentar të Ekonomisë, i cili mund të tregohet më dorështrënguar.

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50